Kisindžer: Ukraina musić stać niejtralnaj dziaržavaj i admovicca ad častki terytoryj
Hienry Kisindžer, adzin z najbolš upłyvovych palitołahaŭ śvietu i stvaralnik tak zvanaha «realistyčnaha kirunku» ŭ zamiežnaj palitycy ZŠA, pakazaŭ svajo bačańnie budučyni Ukrainy. I heta dakładna nie toje, čaho chacieli b ukraincy.
Były dziaržsakratar ZŠA zaklikaŭ Zachad spynić sproby nanieści poŭnaje paražeńnie rasijskim siłam va Ukrainie. Hienry Kisindžer papiaredziŭ, što ŭ doŭhaterminovaj pierśpiektyvie heta budzie mieć katastrafičnyja nastupstvy dla stabilnaści Jeŭropy.
Jon taksama vykazaŭ mierkavańnie, što Ukraina pavinna być hatovaja addać častku terytoryi na karyść Rasii.
Pa mierkavańni palitołaha, «dla Zachadu było b fatalnym, kali b jon paddaŭsia nastroju momantu i zabyŭsia ab pravilnym miescy Rasii ŭ jeŭrapiejskim raskładzie sił». Taksama jon zaklikaje Ukrainu sucišyć vajskovyja ambicyi i pajści na kampramis z Rasijaj.
— Pieramovy pavinny pačacca ŭ najbližejšyja dva miesiacy, pierš čym jany pryviaduć da katastrof i napružanaści, jakija niemahčyma lohka pieraadoleć, kaža jon.
Zamiežnyja ŚMI ličać, što Kisindžer takim čynam zaklikaŭ Ukrainu pajści na terytaryjalnyja sastupki na karyść Rasii.
Kisindžer skazaŭ, što Rasija była nieadjemnaj častkaj Jeŭropy na praciahu čatyroch stahodździaŭ i zabiaśpiečvała jeŭrapiejski bałans sił u krytyčnyja momanty. Jeŭrapiejskija lidary pavinny hladzieć na doŭhaterminovuju pierśpiektyvu i nie ryzykavać padšturchnuć Rasiju da pastajannaha sajuza z Kitajem.
— Spadziajusia, ukraincy spałučać hieraizm, jaki jany prajavili, z mudraściu.
Taksama jon zajaviŭ, što rola dla Ukrainy — heta być niejtralnaj bufiernaj dziaržavaj, a nie franciram Jeŭropy.
Kamientaryj Kisindžera źjaviŭsia na fonie ŭsio bolš vyraznych sihnałaŭ, što zachodniaja antypucinskaja kaalicyja asłablajecca ŭ vyniku rostu cen na pradukty i enierhanośbity, a mahčymyja sankcyi suprać Rasii vyčarpanyja, piša «The Telegraph».
Hienry Kisindžer — adzin z samych upłyvovych myślicielaŭ XX stahodździa. Jon farmavaŭ zamiežnuju palityku ZŠA z 1969 pa 1976 hady, byŭ dziaržaŭnym sakratarom i daradcam pa nacyjanalnaj biaśpiecy pry prezidentach Ryčardzie Niksanie i Džeraldzie Fordzie. Uznaharodžany Nobieleŭskaj premijaj miru. U piatnicu jamu spoŭnicca 99 hadoŭ.
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni5
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier33
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier3
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary