Recept na vychadnyja. Zapiečanaja ryba z maładoj bulbaj — prosty recept, a jaki vynik
Čas maładoj bulby blizka! Prapanujem zapiekčy ź joj rybu i prypravić heta ŭsio vialenymi tamatami i limonami — vyjdzie pryhožaja strava, jakuju nie soramna i haściam padać.
Fota: BBC Food
Kab zhatavać zapiečanuju rybu z maładoj bulbaj, vam spatrebicca:
- 750 hramaŭ maładoj bulby,
- 1 nievialiki limon, narezany na kružočki,
- 1 stałovaja łyžka nasieńnia kmienu,
- 280 hramaŭ vialenych tamataŭ u alei,
- čverć čajnaj łyžki cukru,
- 2 cełyja rybiny (prykładna 400 hramaŭ) takich vidaŭ, jak sibas ci marskaja farel (rybu nie zabudźcie pačyścić),
- pučok śviežaj piatruški,
- da hetaj stravy dobra pasuje takaja trava, jak čabor limonnavodarny
- marskaja sol i śviežamołaty čorny pierac
- Razahrejcie duchoŭku da 200 hradusaŭ.
- Varycie bulbu ŭ vialikaj kastruli. Źlicie vadu i dajcie bulbie trochi zachałonuć, potym narežcie jaje ŭzdoŭž łustačkami prykładna pa 5 milimietraŭ u taŭščyniu.
- Zaścialicie vialikuju formu papieraj dla vypiakańnia i vykładzicie tudy bulbu. Dadajcie tudy limon i nasieńnie kmienu, pieramiašajcie. Drobna narežcie vialenyja tamaty, źmiašajcie ich z bulbaj, prypraŭcie 3 stałovymi łožkami aleju, u jakim byli tamaty. Zapraŭcie sollu, piercam i cukram, dobra pieramiašajcie.
- Prypraŭcie rybu sollu i piercam znutry i zvonku, parežcie travy i pakładzicie ich u brucha ryb. Pakładzicie rybu na bulbu i palicie jaje reštkami aleju ad tamataŭ.
- Vypiakajcie 25—30 chvilin abo pakul ryba nie pryhatujecca i bulba nie padsmažycca. Dastańcie z duchoŭki i padavajcie.
Kamientary