Sapieha dali maksimalny termin z ulikam supracoŭnictva sa śledstvam?
Safii Sapieha prysudzili 6 hod pazbaŭleńnia voli ŭ kałonii ahulnaha režymu. Da hetaha paviedamlałasia, što Safija vykonvała ŭmovy dasudovaha supracoŭnictva sa śledstvam. Pa zakonie heta akaličnaść pavinna źmienšyć termin udvaja. Atrymlivajecca, dziaŭčynie dali maksimalny termin z mahčymych?
Pahadnieńnie sa śledstvam — heta piśmovyja «damoŭlenaści» pamiž abvinavačanym i prakuroram. U ich pryznajecca vina, a taksama ŭkazvajecca, čym abvinavačany moža dapamahčy śledstvu.
Samy ciažki artykuł KK, jaki byŭ pradjaŭleny Safii, — 130-y, ab raspalvańni varožaści. Jon praduhledžvaje ad 5 da 12 hadoŭ kałonii.
Prakuror, a potym sud vyrašajuć, što kali pahadnieńni byli vykanany, to pa zakonie mohuć dać nie bolš za pałovu maksimalnaha terminu.
Zhodna z artykułam 69.1 KK, vyklučeńnie składajuć ciažkija ci asabliva ciažkija złačynstvy, źviazanyja z zamacham na žyćcio abo zdaroŭjem čałavieka. U takim vypadku termin (kali čałaviek supracoŭničaŭ sa śledstvam) nie moža pieravyšać dźviuch tracin maksimalnaha.
Atrymlivajecca, 6 hod kałonii — maksimalny termin, jaki mahli dać Sapieha z ulikam jaje supracy sa śledstvam. Jaho jana i atrymała.
Zhodna z artykułam 72 KPK, orhan, jaki viadzie sudovy praces, i słužbovyja asoby nie majuć prava vydavać ni fakt zvarotu abvinavačanaha z chadajnictvam ab zaklučeńni pahadnieńnia, ni rašeńnie prakurora na hety kont.
Sam Śledčy kamitet u svaim pres-relizie fakt dasudovaha supracoŭnictva ŭkazaŭ.
Čytajcie taksama:
Sapieha adpraŭlajuć u kałoniju na 6 hadoŭ, niahledziačy na supracu jaje i Pratasieviča sa śledstvam
«My pra takoje i blizka nie dumali». Rodnyja — ab prysudzie Sofji Sapieha
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ3
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary