Biełarusy ŭ emihracyi i zamiežniki nie mohuć zabraniravać miesca ŭ elektronnaj čarzie na miažy. U čym pryčyna?
Niekalki čytačoŭ «Našaj Nivy» paviedamili, što sutyknulisia sa składanaściami pry kupli miesca ŭ elektronnaj čarzie na biełaruska-polskaj miažy.
Šmat biełarusaŭ, jakija žyvuć u Polščy, vyrašyli źjeździć na radzimu z nahody doŭhich vychodnych. Pry viartańni ŭ Polšču mnohija źbiralisia kuplać miesca ŭ čarzie, kab nie marnavać čas. Adnak zrabić heta zmahli daloka nie ŭsie.
Kupić miesca ŭ čarzie možna praz sajt belarusborder.by
Košt — 32 rubli. Apłacić — praz ARIP abo Webpay, adnak ułaśnikam zamiežnych bankaŭskich kartak moža nie pašancavać. Pra mahčymaść ździejśnić taki płaciež treba ŭdakładniać u banka, dzie čałaviek absłuhoŭvajecca.
Naprykład, ułaśniki kartak najbujniejšaha ŭ Polščy banka (PKO Bank Polski) pazbaŭleny takoj mahčymaści. Płaciažy nie prachodziać.
U «Biełmytsiervisie» patłumačyli, što ŭsie pytańni, źviazanyja ź niemahčymaściu apłaty, treba vyrašać z Webpay, pakolki hetym pracesam apieratar nie kiruje.
U svaju čarhu ŭ Webpay zapytali kod pamyłki, paśla čaho paviedamili, što prablema ź niemahčymaściu apłacić pasłuhu źviazana z abmiežavańniami banka, jaki vypuściŭ kartku (u našym vypadku heta byŭ PKO Bank Polski). Dla dalejšych udakładnieńniaŭ rajać źviartacca ŭ bank, kab tam mahli patłumačyć, čamu isnuje abmiežavańnie na raźlik ź biełaruskimi bankami.
Inšymi słovami, polski bank prosta nie ažyćciaŭlaje pieravody ŭ biełaruski bank, jaki absłuhoŭvaje apieratara pa prodažy miescaŭ u elektronnaj čarzie. Vynikaje, što praz sankcyi ŭ bankaŭskaj śfiery cierpiać nie tolki hramadzianie Biełarusi i Rasii, ale i inšych krain.
Našy čytačy paviedamili, što ŭ vyniku byli vymušany prasić svajakoŭ, kab jany mahli apłacić pasłuhu ź biełaruskaj kartki. U zamiežnikaŭ takoj mahčymaści čaściej za ŭsio moža nie być.
Čytajcie taksama:
Šop-tury ŭ Biełaruś. Što vyhadna vieźci ad nas u Polšču, Litvu i Łatviju
-
«Peŭnaje nieparazumieńnie». U Cichanoŭskaj abvierhli infarmacyju, što vyzvaleńni palitviaźniaŭ «adkładzienyja na niekatory čas»
-
U Breście jašče nie paśpieli zdać novy abstalavany plaž, a jaho ŭžo naviedali vandały
-
«Usiaredzinie absalutna hniłyja». Biełarusy niezadavolenyja jakaściu ekzatyčnaj sadaviny z Vjetnama ŭ kramach
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary