Kuchonnuju šafu z acalełym paśla bambiožki pieŭniem u Baradziancy pieradaduć u muziej
Simvał stojkaści ŭkraincaŭ — kuchonnaja šafa z kieramičnym pieŭnikam z deakupavanaj Baradzianki — z hetaha momantu zdabytak muziejnaha fondu Ukrainy.
«Praviedziena kulturnaja «śpiecapieracyja» pa muziejefikacyi lehiendarnaj kuchonnaj šafy i jaje źmieściva. Ź siońniašniaha dnia jana znachodzicca ŭ fondach Nacyjanalnaha muzieja Revalucyi Hodnaści», — paviedamlaje muziej.
Kala dvuch tydniaŭ prajšło z momantu vyzvaleńnia Kijeŭščyny ad akupacyi rasijskimi vojskami. Tapahrafija Ukrainy papoŭniłasia novymi miescami masavych złačynstvaŭ rasiejcaŭ.
«Pryjdzie čas, i hetyja trahičnyja staronki abaviazkova buduć miemaryjalizavanyja i asensavanyja, pamiać ab niavinna zahinułych stanie častkaj našaj nacyjanalnaj pamiaci i historyi. Jak i śviedčańnie hieraizmu i stojkaści ŭ baraćbie za svabodu ŭkrainskaha naroda suprać cyničnaha voraha», — havorycca ŭ paviedamleńni.
Adnym ź simvałaŭ hetaj ustojlivaści stała kuchonnaja šafka na ścianie razburanaha bombaj šmatpaviarchovika ŭ Baradziancy Kijeŭskaj vobłaści. Acaleła, choć šancaŭ, zdavałasia b, nie było nijakich. Z usim svaim źmieścivam: farforavym posudam, šklanymi akiencami na dźvierkach, słoičkami dla śpiecyj, tradycyjnymi suvienirami. I navat kieramičnym dekaratyŭnym posudam dla napojaŭ u vyhladzie pieŭnika, vyrablenym u 1960-ch hadach majstrami mastackaj kieramiki z Vasilkova Valeryjaj i Nadziejaj Pratorjevymi.
Zvyčajny elemient kuchonnaha interjeru staŭ lehiendaj dziakujučy fatahrafii kijeŭskaj fotakarespandentki Lizaviety Siervacińskaj.
Hetaje fota stała ilustracyjaj da ci nie samaj raspaŭsiudžanaj siońnia pieraklički siarod ukraincaŭ: «Ty jak?» — «Trymajusia».
Zrešty budynak, na jakoj trymajecca šafka, znachodzicca ŭ avaryjnym stanie, ściana voś-voś moža abrynucca. Tamu paŭstała nieabchodnaść vyratavać i zachavać hety ŭnikalny simvał supracivu ŭkraincaŭ.
14 krasavika z dazvołu ŭładalnicy kvatery Nadziei Svatko šafku demantavali.
«Važna było zachavać kožnuju detal, až da šrubaŭ, na jakich šafka macavałasia da ściany. Navakolle, ruiny budynkaŭ i sama ściana z šafkaj byli zadakumientavanyja DroneUA z dapamohaj robata dla stvareńnia 3D-madeli, zroblenyja fota— i videazdymki, zafiksavana raźmiaščeńnie kožnaj detali, što ŭ budučyni dazvolić uznavić raźmiaščeńnie z maksimalnaj dakładnaściu», — adznačaje muziej.
Taksama pradstaŭniki Muzieja Majdana i Daŭženka-centr sfatahrafavali navakolle, sabrali pradmiety i vusnyja śviedčańni žycharoŭ bližejšych damoŭ.
Heta pieršaja ekśpiedycyja, jakoj Štab vyratavańnia spadčyny razam z partniorami pačynajuć sistemnuju pracu pa zbory historyi hetaj vajny Rasii suprać Ukrainy. Zadača štaba — fiksavać i zachoŭvać materyjalnyja i niemateryjalnyja śviedčańni stojkaści i advahi ŭkraincaŭ, ich zdolnaści da ŭzajemadapamohi, ŭzajemapadtrymki i ćviordaści pierad voraham, hieraičnuju baraćbu ŭkraincaŭ za hodnaść i svabodu.
-
U Branskaj vobłaści ad udara drona zahinuŭ padarožnik, jaki ŭ kamuflažy išoŭ piecham u Braziliju
-
Zialenski: Rasija ŭdaryła pa domie ŭ Kijevie zusim novaj rakietaj X-101. Značyć, kampanienty zavoziacca
-
Kolkaść zahinułych u Kijevie ŭzrasła da piaci čałaviek. Ratavalniki dastali z-pad zavałaŭ cieła 12‑hadovaj dziaŭčynki
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary