Litoŭskaja słužba biaśpieki: Biełaruskija i rasijskija śpiecsłužby aktyŭna viarbujuć litoŭskich hramadzian
Eskałacyja napružanaści praz vajnu Rasii va Ukrainie pavialičyła ryzyki dla tych litoŭcaŭ, jakija padarožničajuć u Rasiju i Biełaruś, papiaredziŭ u aŭtorak Departamient dziaržaŭnaj biaśpieki (DDB) Litvy. Ich mohuć sprabavać vierbavać.
Pa źviestkach viedamstva, biełaruskija i rasijskija śpiecsłužby robiać bolš aktyŭnyja dziejańni pa viarboŭcy litoŭskich hramadzian, jakija prybyvajuć u Rasiju i Biełaruś.
«Efiektyŭnyja kontrvyviednickija miery, jakija prymianiajucca litoŭskimi śpiecsłužbami, pieraškadžali raźviedvalnym mahčymaściam varožych dziaržaŭ u Litvie, tamu ŭ apošnija hady aktyvizavalisia słužby varožych dziaržaŭ za miežami ich terytoryj — ustanaŭleńnie kantaktaŭ z hramadzianami Litvy i sproby viarboŭki padčas naviedvańnia Rasiei ci Biełarusi», — havorycca ŭ paviedamleńni Departamienta.
Vyviedka papiaredžvaje, što siarod asnoŭnych abjektaŭ viarboŭki-asoby, jakija majuć mahčymaść rehularna naviedvać Rasiju ci Biełaruś. DDB adznačaje, što raźviedku varožych dziaržaŭ cikaviać nie tolki tyja, chto maje dostup da sakretnaj infarmacyi abo zajmaje vysokija pasady.
«Rasijskija śpiecsłužby majuć tendencyju vierbavać usich, kaho jany mohuć zavierbavać, i paźniej vyrašać, dla jakich metaŭ jany mohuć vykarystoŭvać ahientaŭ: naprykład, dla zboru vizualnaj infarmacyi, raspaŭsiudžvańnia prapahandy, suviazi i padtrymki inšych apieracyj», — havorycca ŭ paviedamleńni.
Dla ŭstadiavańnia kantaktu słužby mohuć prymać takija miery, jak madelavańnie incydentu z pravaachoŭnymi, mihracyjnymi ci inšymi orhanami, kanflikty sa złačyncami, pahrozy abmiežavańnia dostupu ŭ Rasiju ci Biełaruś pa biurakratyčnych pryčynach.
U suviazi z hetym DDB zaklikaje hramadzian Litvy, jakija nakiroŭvajucca ŭ Rasiju i Biełaruś, być pilnymi i adkaznymi.
Kamientary