Hihin i Kryvašejeŭ pra padziei ŭ Bučy: Heta było patrebna krainam Zachadu
«Kijeŭskim režymam była arhanizavanaja pravakacyja ŭ Bučy», «terbataljony rasstralali ludziej» — prapahandysty Vadzim Hihin i Andrej Kryvašejeŭ miarkujuć, što krainy Zachadu skarystalisia situacyjaj u Bučy, kab ŭvieści novyja sankcyi suprać Rasii, a ŭ samoj situacyi vinavatyja ŭkraincy.
Naprykład, staršynia tavarystva «Viedy», palitołah Vadzim Hihin miarkuje, što zachodnim krainam patrebnaja była padstava dla ŭviadzieńnia novych sankcyj u dačynieńni da Rasii i Biełarusi, tamu i była arhanizavanaja «pravakacyja» ŭ Bučy.
«Ciapier jość usie pieradumovy dla razryvu dypłamatyčnych adnosin pamiž krainami Jeŭrapiejskaha sajuza i Rasijaj. Nie dumaju, što suviazi buduć kančatkova razarvanyja, usio budzie zaležać ad kankretnaj situacyi. ZŠA i ES chočuć prycisnuć Biełaruś i Rasiju da ścienki, ale my nie tyja dziaržavy, jakija dazvolać im heta zrabić», — upeŭnieny Hihin.
Na jaho dumku, Zachadu patrebnaja pastajannaja eskałacyja. «Pastaŭki ŭzbrajeńnia, admova ad rasijskaha hazu, zakryćcio miežaŭ, vysyłka dypłamataŭ — im prosta patrebnaja była nahoda. Da situacyi va Ukrainie stali pryvykać, a novych reakcyj nie było.
Tamu kijeŭskim režymam była arhanizavanaja pravakacyja ŭ Bučy, paśla jakoj i paśledavali miery pa zahadzia raspracavanym płanie», — miarkuje palitołah.
Jon nazvaŭ pakazalnym, što Rasii admovili ŭ praviadzieńni pasiadžeńnia Rady biaśpieki AAN z nahody situacyi ŭ Bučy. «Zachad nie choča, kab ludzi daviedalisia pra falsifikacyi, zabojstvy, represi kijeŭskaha režymu», — skazaŭ Hihin.
Padobnyja dumki vykazaŭ i staršynia praŭładnaha Sajuza žurnalistaŭ, hiendyrektar «Minsk-navinaŭ» Andrej Kryvašejeŭ.
«Usio budzie zaležać ad taho, ź jakoj terytoryi, ź jakoha infarmacyjnaha boku my budziem hladzieć na hetuju pravakacyju. Kali my budziem hladzieć ź Minska ci Maskvy vačyma ruskaha, biełarusa, to zmožam dakazać i pakazać (i ŭ nas užo jość fakty na rukach), jak terbaty ŭvachodziać u Buču, jak jany rasstrelvajuć ludziej, u tym liku ź biełymi paviazkami.
Ale kali my hladzim vačyma, dapuścim, navat nie brytanskaha abyvaciela, a hramadzianina Indyi, — voś jak jon bačyć śviet?» — pryjšoŭ da niečakanych vysnoŭ Kryvašejeŭ.
«Pytańnie Bučy, nieabchodnaści jaje dla ŭkrainskaj, zachodniaj prapahandy składałasia ŭ čym? Usio bolš i bolš vyzvalajecca terytoryja Maryupala, usio bolš i bolš čałaviečych śviedčańniaŭ ab tych prosta sapraŭdnych fašysckich złačynstvach, jakija rabili tam nacysty i terbataŭcy. Vyzvalajucca hramadzianie Uźbiekistana, dalnabojščyki, jakija na svaju aŭdytoryju raspaviadajuć pra bambiožki, katavańni, ździeki ŭ dačynieńni da ich. Heta značyć, danosiać realnyja fakty dla svajoj aŭdytoryi. Vyzvalajucca studenty ź Indyi, Kitaja, Turcyi, jakija pryjazdžajuć da sabie dadomu i ŭ svajoj prastory stanoviacca lidarami mierkavańniaŭ i tłumačać situacyju», — skazaŭ Andrej Kryvašejeŭ padčas pasiadžeńnia praŭładnych ekśpiertaŭ na «Biełta».
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary