Ułady Jeŭrasajuza praviali pieratrusy ŭ ofisach padraździaleńniaŭ «Hazprama» ŭ Hiermanii, paviedamlaje Bloomberg sa spasyłkaj na svaje krynicy. Taksama pra pieratrusy ŭ ofisach «Hazproma» ŭ Jeŭrasajuzie raspaviała krynica Reuters.
Pieratrusy pravodzili rehulacyjnyja antymanapolnyja orhany Jeŭrasajuza. Jany prajšli ŭ tym liku ŭ ofisach kampanij Gazprom Germania GmbH i Wingas GmbH, na jakija prypadaje kala 20% pastavak hazu na niamiecki rynak.
Dziejańni pravodziacca ŭ ramkach antymanapolnaha rasśledavańnia suprać «Hazprama». Jaho pravodziać ułady Jeŭrasajuza, jany praviarajuć, ci nie skaračała kampanija pastaŭki hazu śpiecyjalna, kab pavysić jaho košt.
Jašče ŭ vieraśni 2021 hoda hrupa deputataŭ Jeŭraparłamienta paprasiła Jeŭrakamisiju pravieryć rolu «Hazprama» ŭ pavyšeńni cenaŭ na haz u Jeŭropie. U studzieni 2022 hoda jeŭrakamisar pa pytańniach kankurencyi Marharet Viestahier raskazała pra papiaredniaje rasśledavańnie ŭ dačynieńni da «Hazprama».
«Prymušaje zadumacca, što kampanija, uličvajučy jak raście popyt, abmiažoŭvaje prapanovu. Heta davoli redkija pavodziny», — adznačyła tady Viestahier.
Kampanijam, vinavatym u parušeńni antymanapolnych praviłaŭ Jeŭrasajuza, pahražaje štraf u pamiery da 10% ad ich suśvietnaha abarotu, padkreślivaje Reuters.
-
«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
-
ZŠA padtrymali Łatviju ŭ baraćbie ź nielehalnaj mihracyjaj i vysoka acanili jaje hatoŭnaść uzajemadziejničać ź Biełaruśsiu
-
U Ispanii pamierła 87‑hadovaja žančyna, sprava jakoj spravakavała ciapierašni palityčny kryzis u krainie
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary