Улады Еўрасаюза правялі ператрусы ў офісах падраздзяленняў «Газпрама» ў Германіі, паведамляе Bloomberg са спасылкай на свае крыніцы. Таксама пра ператрусы ў офісах «Газпрома» ў Еўрасаюзе распавяла крыніца Reuters.
Ператрусы праводзілі рэгуляцыйныя антыманапольныя органы Еўрасаюза. Яны прайшлі ў тым ліку ў офісах кампаній Gazprom Germania GmbH і Wingas GmbH, на якія прыпадае каля 20% паставак газу на нямецкі рынак.
Дзеянні праводзяцца ў рамках антыманапольнага расследавання супраць «Газпрама». Яго праводзяць улады Еўрасаюза, яны правяраюць, ці не скарачала кампанія пастаўкі газу спецыяльна, каб павысіць яго кошт.
Яшчэ ў верасні 2021 года група дэпутатаў Еўрапарламента папрасіла Еўракамісію праверыць ролю «Газпрама» ў павышэнні цэнаў на газ у Еўропе. У студзені 2022 года еўракамісар па пытаннях канкурэнцыі Маргарэт Вестагер расказала пра папярэдняе расследаванне ў дачыненні да «Газпрама».
«Прымушае задумацца, што кампанія, улічваючы як расце попыт, абмяжоўвае прапанову. Гэта даволі рэдкія паводзіны», — адзначыла тады Вестагер.
Кампаніям, вінаватым у парушэнні антыманапольных правілаў Еўрасаюза, пагражае штраф у памеры да 10% ад іх сусветнага абароту, падкрэслівае Reuters.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта11
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары