Siarhiej Michałok abviaściŭ, što adnaŭlaje hurt «Lapis Trubiacki», raspuščany im ža ŭ 2014 hodzie. U krasaviku projduć pieršyja kancerty novaha-staroha hurta, a ŭ sacsietkach źjavilisia videa repietycyj «Lapisaŭ». Niaŭžo Michałok pamiryŭsia z Bułatnikavym?
Prychilniki «Lapisaŭ» abradavalisia navinie i pačali ŭ kamientarach vykazvać spadzieŭ, što staryja kryŭdy pamiž salistami, Siarhiejem Michałkom i Paŭłam Bułatnikavym, zabytyja i hurt vierniecca ŭ maksimalna nabližanym da kłasičnaha składzie.
Nakolki viadoma «Našaj Nivie», Paŭłu Bułatnikavu nichto nie prapanoŭvaŭ viartacca ŭ hurt i pra zajavu Siarhieja Michałka jon sam daviedaŭsia z sacsietak.
Miarkujučy pa fota i videa z repietycyj, u skład novych «Lapisaŭ» uvachodziać piać čałaviek: akramia Siarhieja Michałka, heta bubnač Alaksandr Staražuk, bas-hitaryst Aleś-Francišak Myškievič, hitaryst Pavieł Vialička i saksafanist Andrej Baryła. Usie jany apošnim časam hrali ŭ šmatlikich kalektyvach pad kiraŭnictvam Siarhieja Michałka.
Raskazvajem padrabiaźniej pra muzykantaŭ.
Alaksandr Staražuk
Adziny, chto maje dačynieńnie da kłasičnych «Lapisaŭ», — lehiendarny bubnač Alaksandr Staražuk. Jon hraŭ u hurcie z 2001 pa 2011 hod, a paśla raspadu hurta na niekatory čas dałučaŭsia da kalektyva Paŭła Bułatnikava.
Naprykancy minułaha hoda stała viadoma, što Staražuk znoŭ viarnuŭsia da Siarhieja Michałka ŭ jakaści pierkusijanista. Miarkujučy pa fota, 63-hadovy bubnač u vydatnaj muzyčnaj i fizičnaj formie.
Aleś-Francišak Myškievič
Adzin z najbolš viadomych biełaruskich bas-hitarystaŭ uskosna datyčny da «Lapisaŭ» — z 2014 pa 2016 hady jon hraŭ u hurcie Trubetskoy.
U 2018 hodzie muzykant, jaki maje bahaty bahaž vystupleńniaŭ u «Bieź Bileta», «Krambambuli», The Superbullz i inšych hurtach, dałučyŭsia da prajekta Siarhieja Michałka DREZDEN, a paśla staŭ udzielnikam i astatnich prajektaŭ.
Pavieł Vialička
Samy małady z «Lapisaŭ», hraŭ raniej u Yellow Brick Road, jaki dzialiŭ scenu z Bullet For My Valentine, The Horrors, Hurts i Deep Purple.
Taksama vystupaŭ z prezidenckim arkiestram Biełarusi.
U 2018 hodzie hitaryst dałučyŭsia da hurta DREZDEN.
Andrej Baryła
Muzykant pa mianušcy Baron paźniej astatnich dałučyŭsia da ansamblaŭ Siarhieja Michałka, tolki ŭ 2020-m. Hraŭ raniej z Alesiem-Franciškam Myškievičam u hurcie Chiefs Band.
Akramia muzyki, prafiesijna zajmajecca fatahrafijaj — jahony baćka byŭ fatohrafam.
Užo viadomyja pieršyja vosiem haradoŭ, u jakich vystupić novy «Lapis Trubiacki»: 8 krasavika — Ryha, 9 krasavika — Talin, 11 krasavika — Vilnia, 15 krasavika — Bierlin, 16 krasavika — Hamburh, 18 krasavika — Niurnbierh, 20 krasavika — Praha, 22 krasavika — Brno.
Prybytak ad kancertaŭ pojdzie na dapamohu Ukrainie.
-
U lidara hurta a-ha Mortena Charkieta dyjahnastavali chvarobu Parkinsana
-
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
-
Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary