Maryupal: jak Rasija ściraje ź ziamli samy prarasijski horad Ukrainy
Pavodle samych aptymistyčnych acenak, u vyniku raźviazanaj Rasijaj vajny zahinuli tysiačy mirnych žycharoŭ hetaha horada. Realnaja ž kolkaść achviar, pavodle miascovych čynoŭnikaŭ, moža dasiahać dziasiatki tysiač. A što za horad Maryupal i jakija jany, maryupalcy? «Banderaŭcy i nacyjanalisty»? Davajcie pabačym.
Pavodle apošniaha praviedzienaha pierapisu nasielnictva, 48,68% haradžan — etničnyja ŭkraincy, ažno 44,41% — ruskija.
U horadzie absalutna daminuje ruskaja mova. Heta samy ruskamoŭny horad Danieckaj vobłaści. 89,53% rodnaj movaj nazvali ruskuju, tolki 9,87% — ukrainskuju. Realna pa-ŭkrainsku havoryć jašče mienšaja kolkaść ludziej.
Ale samaje cikavaje apytańnie adnosna samych roznych aktualnych palityčnych, sacyjalnych, hramadskich i mižnarodnych pytańniaŭ było ŭ Maryupali ŭ vieraśni 2021 hoda. Jano pakazała niekalki ašałamlalnych rečaŭ.
60% žycharoŭ Maryupala adnaznačna suprać ustupleńnia Ukrainy ŭ NATA. Heta samy vysoki pakazčyk pa ŭsioj terytoryi Ukrainy, jakaja była pad kantrolem urada stanam na 24 lutaha 2022 hoda.
52% stavilisia da Rasii ciopła albo vielmi ciopła, niehatyŭna — tolki 16%.
48% vystupajuć za ŭstupleńnie Ukrainy ŭ sajuz z Rasijaj i Biełaruśsiu. U Jeŭrasajuz chacieli b tolki 22%.
41% stavicca choładna i vielmi choładna da Amieryki. Pazityŭna tolki 15%. Samy amierykanafobski horad Ukrainy.
38% žycharoŭ hetaha horada chacieli b ukałocca rasijskim «Sputnikam».
Varta adznačyć, što Maryupal — adnosna paśpiachovy horad da vajny 2022 hoda, jaki za apošnija hady staŭ «vitrynaj» Ukrainy na Uschodzie, i dabiŭsia vydatnych vynikaŭ u refarmavańni roznych śfier ekanamičnaha i sacyjalnaha žyćcia, istotna palepšyŭ svaju infrastrukturu.
Ale niahledziačy na heta, jon zastavaŭsia samym prarasijskim vialikim horadam Ukrainy. Našmat bolš prarasijskim, čym Adesa ci Charkaŭ. Ale heta jaho i jahonych žycharoŭ nijak nie ŭratavała. Rasijskija «zvyšdakładnyja» rakiety nie vybirajuć, kaho jany zabivajuć. Jany zabivajuć adnolkava, jak mifičnych «banderaŭcaŭ», tak i ruskich Maryupala. I ŭ absalutnych pakazčykach, ruskich i ruskamoŭnych jany zabivajuć našmat bolš.
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?2
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary