Chočacie znajści ŭ internecie svajo kachańnie? Aściarožna, kibiermachlary prydumali novuju schiemu
Padčas pandemii vyrasła kolkaść ramantyčnych afier u internecie, źviazanych ź imitacyjaj zakachanaści ŭ čałavieka, kab zavajavać jaho davier. Paralelna z hetym vyraśli i ceny na kryptavalutu. Usio heta zrabiła kryptu dobrym instrumientam dla kibiermachlaroŭ.
Amierykanskija pravaachoŭnyja struktury paviedamlajuć pra rost ramantyčnych anłajn-afier, źviazanych z kibiermachlarstvam. Ekśpierty ličać, što hety typ machlarstva naradziŭsia ŭ Kitai, a paźniej pierabraŭsia ŭ ZŠA i Jeŭropu. Jaho kitajskaj nazva pierakładajecca litaralna jak «zaboj parasia» — bo pierad tym, jak pazbavić achviaru hrošaj, jaje «vykormlivajuć» ramantykaj, piša New York Times.
Typovyja achviary — maładyja adukavanyja žančyny, jakija karystajucca mabilnymi dadatkami dla znajomstvaŭ, naprykład, prahramami Tinder, Bumble i Hinge. Zvyčajna machlary znachodziać achviaru praz dadatki, a potym sprabujuć pieravieści kamunikacyju ŭ WhatsApp. Paviedamleńni ŭ hetym miesiendžary zašyfravanyja, tamu ich bolš ciažka adsačyć.
Paśla hetaha machlar zakidvaje achviaru kakietlivymi paviedamleńniami, a potym pieravodzić razmovu na temu kryptavaluty. Jon pradstaŭlajecca paśpiachovym ekśpiertam pa krypcie i prapanuje pakazać achviary, jak inviestavać jaje hrošy, kab atrymać dobry prybytak z małoj ryzykaj.
Potym machlar dapamahaje achviary kupić kryptavalutu na lehalnym sajcie i tłumačyć, jak pieravieści jaje na falšyvy kryptaabmieńnik. Hrošy achviary źjaŭlajucca na tym resursie, i jana pačynaje «ŭkładvać» ich u roznyja kryptavalutnyja aktyvy pad kiraŭnictvam machlara, pakul jon narešcie nie źbiahaje z čužymi hrošami.
Admietnaja rysa hetaha typu machlarstva — toje, nakolki jano składanaje. Niekatoryja achviary raskazvali pra toje, što falšyvyja abmieńniki vyhladali vielmi realistyčna, tam byli hrafiki z cenami na roznyja kryptaaktyvy. Nazvy i adrasy takich abmieńnikaŭ časta źmianiajuć, i byvaje, što achviaram dazvolena spačatku zdymać małyja sumy hrošaj, kab paźniej im było lahčej ryzykavać vialikimi sumami.
Jak kantralavać, kudy dzieci łaziać u Internecie. I jakimi chitraściami dzieci abychodziać kantrol
Saromiejeciesia svajho minułaha? Tłumačym, jak vydalać staryja dopisy ŭ Instagram, Facebook i Twitter
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»27
Kamientary