Častku supracoŭnikaŭ Ministerstva pa nadzvyčajnych situacyjach Biełarusi płanujuć uzbroić, kab u vypadku kanfliktu abo vajennych dziejańniaŭ jany mahli ŭ tym liku być zadziejničanyja ŭ vajennych metach naroŭni z armijaj. MNS stanie častkaj siłavoha błoku.
Pra heta było zaŭlena na naradzie ŭ Alaksandra Łukašenki pa «ŭdaskanaleńni struktury sistemy MNS Biełarusi», paviedamlaje BiełTA.
«Raniej my z vami damaŭlalisia (pa-mojmu, u minułym hodzie) ab tym, što struktura MNS pa viertykali maje patrebu ŭ refarmavańni. Ja b skazaŭ, udaskanaleńni. Jak i lubaja inšaja struktura», — skazaŭ siońnia Łukašenka.
U jakaści prykładu Alaksandr Łukašenka pryvioŭ parad, dzie supracoŭniki MNS pakazali vypraŭku nie horš za vajskoŭcaŭ. Jany taksama ŭ lidarach pa pažarna-vyratavalnym sporcie, čempijony śvietu.
«Heta imidž MNS. Ja chilu da taho, što ŭsie supracoŭniki MNS, asabliva pry ciapierašnim ministry, chočuć być siłavym błokam. Siłaviki. My tak ich i ličym. Ale dla taho kab być siłavikom, treba vydatna vałodać zbrojaj.
Jakoj? Pistalety, aŭtamaty, kulamioty, hranatamioty, abo my ich budziem uzbrojvać jašče i niejkaj technikaj? Dumaju, tak. I hety aktyŭ budzie, surjozny aktyŭ, i dapamoha dla našaha vojska na vypadak, kali raptam», — zajaviŭ Łukašenka.
Jon addaŭ rasparadžeńnie, kab vyznačyli ŭ MNS, jakuju častku budzuć uzbrojvać: «chto hetyja chłopcy, dziaŭčaty, jakija tam słužać, jakija buduć nasić ahniastrelnuju zbroju i być padrychtavanymi».
«Chaciełasia b pačuć, nakolki my prasunulisia ŭ hetym płanie, kab MNS stała siłavym błokam pa-sapraŭdnamu, kolki ludziej u nas budzie vałodać zbrojaj nie horš, čym u vojsku i milicyi», — skazaŭ jon.
Łukašenka vykazaŭ mierkavańnie, što i ŭ mirny čas dla uzbrojenych supracoŭnikaŭ MNS znojdziecca praca.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary