Adnu z kampanij chołdynhu Dana Holdings chočuć rearhanizavać u dźvie novyja firmy. Kampanija znachodzicca pad sankcyjami
Kampaniju «Emirejts Blu Skaj» z chołdynh Dana Holdings sprabujuć rearhanizavać i vyvieści dźvie novyja firmy. Ź jaje vyłučajuć TAA «Hrand Atryum» i TAA «Sici Vju». Zaraz «Emirejts Blu Skaj» zajmajecca daterminovym vykupam raniej vypuščanych ablihacyj. Chołdynh Dana Holdings padkantrolny bratam Karyčam. Raniej Niebojša Karyč trapiŭ pad jeŭrapiejskija i amierykanskija sankcyi, piša Zerkalo.io.
Rearhanizacyju «Emirejts Blu Skaj» majuć namier zaviaršyć da 1 sakavika hetaha hoda. Pryčym heta ŭžo pieraniesieny raniej dedłajn. Pra pryčyny takoha rašeńnia nie paviedamlajecca.
Jakija kampanii siamji Karyča trapili pad sankcyi
Chołdynh Dana Holdings, adnym z akcyjanieraŭ jakoha Źjaŭlajecca Niebojša Karyč, trapiŭ raniej pad jeŭrapiejskija i amierykanskija sankcyi. U śpis ZŠA taksama ŭklučany «dočki» Dana Holdings — «Dana Astra» (budaŭnictva kompleksu «Minsk-Mir»), «Emirejts Skaj Blu» «Dubaj Votier Front».
Raniej «Emirejts Skaj Blu» i «Dubaj Votier Front» abjaŭlali ab zaviaršeńni dziejnaści pa budaŭnictvu ŭ Biełarusi, a taksama pa pryciahnieńniu inviestycyj. Heta adbyłosia nieŭzabavie paśla ŭviadzieńnia sankcyj JEZ.
U «Emirejts Skaj Blu» raniej była inšaja nazva
U 2020 hodzie kampanija «Zomieks Inviestmient» pierajmienavali ŭ «Emirejts Skaj Blu». Apošniaja ŭ śniežni 2020 hoda abviaściła, što zaviaršaje svaju dziejnaść u Biełarusi pa budaŭnictvie i pryciahnieńni inviestycyj.
«Emirejts Blu Skaj» siarod inšaha zajmałasia zabudovaj kvartała «Majak Mienska».
Pra daterminovaje pahašeńnie abaviazacielstvaŭ pa ablihacyjach
Ciapier «Emirejts Skaj Blu» daterminova hasić abaviazacielstvy pa raniej vydanych kaštoŭnych papierach załoham nieruchomaści.
Heta kvatery, handlovyja pamiaškańni, azdaraŭlenčy centr, kafe-bar, fizkulturna-azdaraŭlalnyja kompleksy. Pa adnym z vypuskaŭ ablihacyj rynkavy košt takich abjektaŭ pieravyšała 27 miljonaŭ dalaraŭ.
Kamientary