Rehijony krainy istotna adroźnivajucca adzin ad adnaho pa pamiery zarobkaŭ najomnych rabotnikaŭ. Miedyjana pa zarpłacie za listapad 2021 hoda skłała, zhodna ź Biełstatam, 1096 rubloŭ (siaredniaja — 1496 rubloŭ). Miedyjanny zarobak bolš dakładna pakazvaje stan spraŭ, bo 50 pracentaŭ rabotnikaŭ atrymlivajuć bolš za hetuju ličbu, a 50 pracentaŭ — mieniej. Taksama jak i siaredni zarobak, hetaja ličba dajecca da vyličeńnia padachodnaha padatku (13%), uznosu rabotnika ŭ FSAN (1%), a taksama prafsajuznych uznosaŭ, alimientaŭ, štrafaŭ i h. d, nahadvajuć banki24.by.
U Minsku miedyjanny zarobak pa naličeńni skłaŭ 1398 rubloŭ, u Bresckaj vobłaści — 1023, u Viciebskaj — 969, u Homielskaj — 1016, u Hrodzienskaj — 1007, u Minskaj — 1124, u Mahiloŭskaj — 972 rubli.
U Bresckaj vobłaści samyja nizkija miedyjannyja zarpłaty adznačalisia ŭ Stolinskim (801 rubiel), Drahičynskim i Lachavickim (pa 851), Hancavickim (862) i Pinskim (867) rajonach.
U Viciebskaj vobłaści apošnija miescy pa miedyjannym zarobku zajmali Šarkaŭščynski (681), Sieńnienski (737), Dubrovienski (741) i Miorski (761 rubiel) rajony.
Pryčym Šarkaŭščynski rajon zaniaŭ apošniaje miesca ŭ krainie pa miedyjannym zarobku.
U Homielskaj vobłaści samyja biednyja pa miedyjanie — heta Karmianski (708 rubloŭ), Buda-Kašaloŭski (754), Brahinski (756), Vietkaŭski (766) i Akciabrski (767 rubloŭ) rajony.
Pryčym Karmianski rajon zaniaŭ druhoje miesca z kanca ŭ śpisie rehijonaŭ, ranžyravanych pa miedyjannym zarobku.
U Hrodzienskaj vobłaści samy mały miedyjanny zarobak pakazali rabotniki fłahmanaŭ Voranaŭskaha (806), Zelvienskaha (817), Śvisłackaha (855), Karelickaha (860) i Iŭjeŭskaha (864) rajonaŭ.
U Minskaj vobłaści samaj nizkaj miedyjanaj pa zarpłacie adznačylisia rabotniki Červieńskaha (891 rubiel), Kapylskaha (894), Vilejskaha (897) i Kleckaha (902) rajonaŭ.
U Mahiloŭskaj vobłaści samy nizki miedyjanny zarobak zafiksavany ŭ Mścisłaŭskim (710), Čavuskim (719), Chocimskim (722), Krasnapolskim (726) i Słaŭharadskim (741) rajonach.
Pryčym Mścisłaŭski rajon zamknuŭ top-3 rehijonaŭ Biełarusi pa najmienšym miedyjannym zarobku.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj8
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary