«Novaja hazieta» zapatrabavała raspačać kryminalnuju spravu na Ramzana Kadyrava
«Novaja hazieta» zapatrabavała ŭzbudzić kryminalnuju spravu suprać kiraŭnika Čačni Ramzana Kadyrava, jaki nazvaŭ «terarystami» siabra prezidenckaj Rady pa pravach čałavieka Ihara Kalapina i žurnalistku «Novoj haziety» Alenu Miłašynu. Zajava padadzienaja na imia kiraŭnika Śledčaha kamiteta Alaksandra Bastrykina.
Havorka idzie pra post Kadyrava ŭ Telehramie, apublikavanym 24 studzienia, u jakim kiraŭnik Čačni piša pra Kalapina i Miłašynu na fonie situacyi z vykradańniem žonki fiederalnaha sudździ Zaremy Musajevaj.
Na dumku Kadyrava, Kalapin ź Miłašynaj — «pamahatyja terarystaŭ», jakija «zarablajuć na temie Čačenskaj Respubliki i čačencaŭ, raspracoŭvajučy scenaryi i našeptvajučy na vucha svaim piersanažam teksty i pavodziny».
U suviazi z hetym «Novaja hazieta» prosić raspačać kryminalnuju spravu ŭ dačynieńni da Kadyrava pa artykule ab uzbudžeńni nianaviści abo varožaści (punkt «a», č. 2 art. 282 KK, karajecca štrafam da 600 tysiač rasijskich rubloŭ abo pazbaŭleńniem voli na termin da šaści hadoŭ).
Dzikaja historyja ŭ Rasii: kadyraŭcy vyvieźli žonku sudździ
Biełaruś padpisała płan supracoŭnictva z Čačnioj
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary