«Pastanovu №991 padrychtavaŭ adzin bujny dziejač pa ŭkazcy premjer-ministra»
Dy niachaj kiraŭnik sam vyrašaje, jak dziejničać, a patrabavać treba za prybytak i rentabielnaść! — pryvodzić słovy Łukašenki jahonaja pres-słužba.
Pastanovu ŭrada № 991 «Ab niekatorych pytańniach nabyćcia tavaraŭ na terytoryi Respubliki Biełaruś» padrychtavaŭ adzin bujny «dziejač» pa ŭkazcy premjer-ministra, zajaviŭ Alaksandr Łukašenka 6 žniŭnia na naradzie pa pytańniach dziejnaści orhanaŭ prakuratury.
«Voś, da prykładu, niadaŭna vypuścili pastanovu № 991 i faktyčna zabaranili subjektam haspadarańnia handlavać. Dy niachaj kiraŭnik sam vyrašaje, jak dziejničać, a patrabavać treba za prybytak i rentabielnaść! — pryvodzić słovy Łukašenki jahonaja pres-słužba. — Navošta kamuści ŭkazvać: z kim handlavać, pracavać z pasrednikami ci nie? Stali raźbiracca, chto pastanovu rychtavaŭ.
Akazałasia, adzin dziejač pa ŭkazcy premjer-ministra padrychtavaŭ hety dakumient, kinuŭ jamu na stoł i nazaŭtra pajechaŭ u adpačynak. Spytać navat niama z kaho!»
«Tak, pasrednictva — heta kiepska, i my pavinny jaho paźbiahać, — pradoŭžyŭ Łukašenka. — Ale ź jakoj metaj? Kab cana byli nižejšaja, a jakaść — dobraja. Navošta ŭźniali na dybki ŭsiu krainu? Heta sprava pryvatnika, dzie i jak zakuplać, jon ža razumieje, što heta jaho hrošy, jon nikoli nie kupić daražej i z horšaj jakaściu. Značyć, pytańni da dziaržaŭnych pradpryjemstvaŭ. Dyk davajcie pastavim zadačy, a potym praź miesiac pravierym, vinavatyja adkažuć. Voś i ŭsio, i nie treba nijakaha šumu. Inakš uźnikajuć pytańni: dzie ž taja libieralizacyja ekanamičnaj dziejnaści, ab jakoj my havorym, dzie samastojnaść kiraŭnika, kali my jamu pišam, što ŭ kaho kupić. Niachaj jon sam raźbirajecca, a naša zadača — dać pravavuju i inšuju acenku kiraŭniku, jaki adkazvaje za vytvorčaść. Voś jak treba dziejničać, a nie frontam chadzić pa krainie».
Pastanova № 991 była pryniata 28 lipienia i admieniena 4 žniŭnia paśla ŭmiašańnia Łukašenki. Dakumient, jaki ministr ekanomiki Mikałaj Zajčanka nazvaŭ «antykryzisnaj mieraj», vyklikaŭ rezka niehatyŭnuju reakcyju biźnies-supolnaści.
Ciapier čytajuć
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie8
Kamientary