Łukašenka na sustrečy z navukoŭcami vykazaŭsia pra biełaruskuju movu
Na sustrečy-naradzie z navukoŭcami ŭ Nacyjanalnaj akademii navuk Alaksandr Łukašenka vykazaŭsia pra biełaruskuju movu ŭ hramadstvie.
«Biełaruskaja mova — heta toje, što adroźnivaje biełarusaŭ ad astatnich. Tamu treba padumać nad tym, jak zrabić tak, kab kožny biełarus viedaŭ svaju movu», — skazaŭ jon
«Dziakujučy našym varjatam bečebešnym, my, adkidvajučy ŭsio, jak kažuć, razam z vadoj ledź nie vypluchnuli dzicia».
«Vy pavinny razumieć, što toje, što nas adroźnivaje ad inšych — heta jość biełaruskaja mova», — skazaŭ jon pa-biełarusku.
Jon prapanavaŭ padumać nad tym, kab kožny biełarus viedaŭ svaju movu: «Nu chaj tak skłałasia, što heta naša ruskaja mova. Ale ruskaja mova nie adroźnivaje nas ad inšych, a biełaruskaja mova adroźnivaje ad inšych».
«Kali my nie budziem viedać biełaruskaj movy — my nie biełarusy», — zajaviŭ Łukašenka. Pry hetym jon adznačyŭ, što biełaruskuju nasadžać nie buduć, ale buduć imknucca da taho, kab kožny biełarus moh na joj razmaŭlać.
«Ale my pad uražańniem žniŭnia 2020 hoda pačali niejak vypluchvać z hetaj vadoj mutnaj… i dzicia možam vypluchnuć. Hetaha ni ŭ jakim vypadku nie pavinna być. I moładź heta narmalna razumieje», — zaŭvažyŭ jon.
A taksama akcentavaŭ uvahu na tym, što havorka absalutna nie viadziecca ab niejkaj miakkaj biełarusizacyi. «Palityki ŭ mianie niama miakkaj biełarusizacyi. Heta hłupstva poŭnaje, vydumka», — adznačyŭ Alaksandr Łukašenka.
Jon padkreśliŭ, što ŭ moŭnym pytańni nie pavinna być niejkich šumu i hvałtu, jak «u časy nacyjanalistaŭ u 1990-ja»: «Hvałtu było šmat, a tołku mała».
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary