Prachodziać vobšuki ŭ mahiloŭskich žurnalistaŭ. Pamiaškańnie redakcyi 6TV prosta pieraviarnuli
Ranicaj 14 studzienia prajšli pieratrusy ŭ žurnalista Barysa Vyrviča ŭ Białyničach, dzie jon žyvie, a taksama ŭ fryłansiera-videaapieratara Jaŭhiena Hłuškova, paviedamlajuć pravaabaroncy.
Abodva prachodziać jak śviedki pa kryminalnych spravach. Vyrvič — adrazu pa niekalkich artykułach: 188, 203, 361 i 369 KK RB.
U Jaŭhiena Hłuškova pieratrus pačaŭsia ŭ 6:20 ranicy. Da jaho, złamaŭšy zamok, uvarvalisia supracoŭniki AMAP u bajavoj ekipiroŭcy, a taksama śledčy i jašče dvoje nieviadomych siłavikoŭ.
Hłuškova pakłali tvaram u padłohu, paśla čaho pieraviarnuli dom. Była kanfiskavanaja ŭsia technika, adnak kopiju pratakoła pieratrusu fryłansieru nie vydali.
Taksama Hłuškovu pahražali źmiaščeńniem u IČU, kali jon nie daść parol ad svajho smartfona.
Paśla pieratrusu Hłuškova advieźli ŭ budynak UUS Mahiloŭskaha abłvykankama, dzie dapytali ŭ jakaści śviedki pa kryminalnaj spravie pa art. 188 KK RB (paklop).
Taksama siłaviki ŭłamilisia ŭ redakcyju mahiloŭskaha partała 6TV. Jany ŭzłamali dźviery i biez prysutnaści haspadaroŭ pamiaškańnia praviali pieratrus. Pamiaškańnie całkam pieraviarnuli. Redakcyja partała 6TV užo vyjechała ź Biełarusi.
Čarhovy raŭnd cisku na žurnalistaŭ supaŭ z tym, što šerah niezaležnych telehram-kanałaŭ siońnia byli dadadzienyja ŭ śpis ekstremisckich materyjałaŭ Ministerstva infarmacyi.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary