SAAZ zajaviła pra rekordnuju kolkaść zachvarełych na kavid za sutki
Za 24 hadziny karanavirusam u śviecie zarazilisia amal 3,4 miljona čałaviek, a pamierli 7,7 tysiačy.
Za minułyja sutki karanavirusam zarazilisia 3 395 785 čałaviek — heta maksimum z pačatku pandemii, śviedčać źviestki Suśvietnaj arhanizacyi achovy zdaroŭja (SAAZ).
Pamierli ad kavidu za 24 hadziny 7 735 čałaviek. Ahulnaja kolkaść zachvarełych pieravysiła 312 miljonaŭ, usiaho z pačatku pandemii achviarami zachvorvańnia stali bolš za 5,5 młn čałaviek.
Na pieršym miescy pa sutačnaj kolkaści infikavanych — ZŠA (1 399 136). Za imi iduć:
— Francyja (338 858);
— Italija (220 519);
— Indyja (194720);
— Vialikabrytanija (115 280).
12 studzienia SAAZ paviedamiła ab rekordnaj kolkaści infikavanych za tydzień — bolš za 15 młn, pamior 43 461 čałaviek.
Ekśpierty arhanizacyi prahnazujuć, što nastupnyja try miesiacy buduć vielmi ciažkija, a ciaham niekalkich tydniaŭ infikujecca bolš za pałovu jeŭrapiejcaŭ;
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii8
Kamientary