«Žyvu, jak u filmie «Dzień surka». Babaryka raskazaŭ pra pobyt u kałonii
Štab Viktara Babaryki apublikavaŭ niekalki ŭryŭkaŭ ź lista palitviaźnia, ź jakich možna zrabić vysnovu, što na jaho praciahvajuć cisnuć u navapołackaj kałonii.
«Što tyčycca majho Dnia naradžeńnia (9 listapada), to ŭsio było cicha i spakojna. Vy pavinny čuć, što ŭ hetym miescy ŭsim ludziam zabaraniajecca kamunikavać sa mnoj. Tamu ničoha nie było i ničoha smačnaha nie jeŭ.
Nakont pryščepki suprać COVID-19, dyk ja byŭ vymušany jaje zrabić, bo pužali admovaj ad sustrečy z rodnymi. Tamu atrymaŭ «Sputnik V» i ŭsio ž vyžyŭ.
Adnosna pracy, to ŭsio pa-staromu. Ničoha nie źmianiłasia, i žyvu jak u stužcy «Dzień surka». Tolki hieroj hetaha kino mieŭ mahčymaść raźvivacca, a ŭ hetym miescy ź intelektualnym raźvićciom viadziecca baraćba».
6 lipienia eks-kiraŭnik «Biełhazprambanka» i były pretendent na pasadu prezidenta Viktar Babaryka byŭ asudžany na 14 hadoŭ źniavoleńnia. Zatrymany jon byŭ razam z synam Eduarda 18 červienia 2020 hoda.
Adras dla listoŭ Viktaru Babaryku:
PK №1. 211440, h. Navapołack, vuł. Techničnaja, 8.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary