Darja Domračava: Lubaja dziaržava ŭ svajoj historyi prachodzić praz składanyja časy
Viadomaja biełaruskaja bijatłanistka, čatyrochrazovaja alimpijskaja čempijonka Darja Domračava ŭ intervju «MatčTV» raspaviała pra svajo staŭleńnie da situacyi ŭ Biełarusi.
— Pytańnie nie pra palityku, a pra asabistaje. Nakolki mocna tryvožyć vas usio, što źviazana ź viadomymi padziejami ŭ Biełarusi i jakaja reakcyja na hetyja padziei?
— Na sercy niespakojna, pieražyvaju jak luby narmalny čałaviek. Chočacca, kab kraina kvitnieła i raźvivałasia, žyła mirnym žyćciom. Lubaja dziaržava ŭ svajoj historyi prachodzić praz składanyja časy. Vieru, što Biełaruś heta pieraadoleje i ŭsio ŭ majoj krainy i majho naroda składziecca dobra.
— Kranajuć krytyčnyja vokličy: «Domračava nie vykazała svajho staŭleńnia»?
— Kali aryjentavacca na vokličy i kamientaryi ŭ siecivie, nie viedaju, jak uvohule žyć na śviecie. Nie liču aryjenciram čužoje mierkavańnie, starajusia kiravacca ŭłasnymi dumkami i adčuvańniami. Krytykujuć? Va ŭsich jość prava. Jak i na vybar staŭleńnia da krytyki.
Domračava dadała, što ŭ Biełarusi była ŭ kancy kastryčnika, kali ŭ niani skončyłasia kitajskaja viza.
Kamientary