Čamu śviatłodyjodnyja lampački nie zaŭsiody słužać dastatkova doŭha
U niekatorych umovach lampački napalvańnia — lepšy vybar, čym śviatłodyjody.
Kali śviatłodyjodnyja lampački tolki źjavilisia, ad ich čakali bolšaj enierhaefiektyŭnaści i daŭžejšaha terminu słužby, čym u lampačak napalvańnia. Zhodna z danymi amierykanskaha Ministerstva enierhietyki, śviatłodyjody ŭžyvajuć jak minimum na 75% mienš enierhii, čym lampy napalvańnia, i pracujuć u lepšym vypadku ŭ 25 razoŭ daŭžej.
Adnak pytańnie, jak doŭha takija lampy mohuć pracavać pa-za miežami idealnych łabaratornych umoŭ. U niekatorych vypadkach lampy nakalvańnia mohuć funkcyjanavać bolš doŭha, čym śviatłodyjody, piša Wall Street Journal.
Kali lampačka napalvańnia pieraharaje, jaje nitka napalvańnia razryvajecca. Śviatłodyjody pracujuć pa-inšamu.
Zamiest taho, kab raptoŭna pierastać funkcyjanavać, lampački na ich asnovie ź ciaham času robiacca ŭsio bolš i bolš ćmianymi. Ličycca, što ich termin karysnaj słužby skončany, kali jarkaść lampački źniziłasia na 30%.
U chatnich umovach jarkaść lampački vymierać niemahčyma, tamu, kali jana vyhladaje nadta ćmianaj, mahčyma, varta jaje zamianić.
Jość roznyja łabaratornyja danyja nakont taho, kolki času moža pracavać śviatłodyjodnaja lampačka. Što datyčycca łabaratornych umoŭ, ličby roźniacca ad 6 da 20 tysiač hadzin, to-bok ad takoj lampački čakajuć da 18 hadoŭ pracy pa try hadziny na dzień. Ale ŭ zvyčajnych umovach śviatłodyjody časam pracujuć zusim nie tak doŭha.
Na termin słužby śviatłodyjoda ŭpłyvajuć umovy jaho pracy. Naprykład, unutry adnoj lampački mohuć być abjadnanyja ažno dziesiać śviatłodyjodaŭ, ci ŭnutry adnoj śviacilni mohuć być izalavanyja adna ci niekalki lampačak, što pieraškadžaje cyrkulacyi pavietra.
Narešcie, karystalniki mohuć uklučać i vyklučać lampački šmat razoŭ na praciahu dnia, a ŭ pamiaškańni, dzie pracuje śviatłodyjod, moža być zanadta śpiakotna ci vilhotna.
Kali b padčas ispytaŭ usie hetyja faktary ŭličvalisia, termin słužby śviatłodyjodnych lampačak aceńvali b u našmat mienšy pramiežak času. Naprykład, kali razmova idzie pra nakładnuju śviatłodyjodnuju panel z tryma lampačkami, ich termin słužby moža skłaści ŭsiaho 500 hadzin. Pry hetym termin słužby lampačak napalvańnia składaje da 1000 hadzin.
Kamientary