U Breście i Hrodnie zafiksavany značny rost zachvorvańnia na kavid
Tak pa stanie na 5 kastryčnika ŭ dźviuch haradskich balnicach Bresta špitalizavana 1300 pacyjentaŭ ź pnieŭmanijami, ź jakich 49 čałaviek znachodziacca ŭ reanimacyi ŭ ciažkim stanie.
U Breście ŭ apošni miesiac nazirajecca značny rost zachvorvańnia kavidam, paviedamiŭ u svaim telehram-kanale staršynia harvykankama Alaksandr Rahačuk.
«Siońnia ranicaj hałoŭny sanitarny lekar horada dałažyŭ ab raźvićci epidemičnaj situacyi. Na praciahu apošniaha miesiaca ŭ Breście nazirajecca značny rost zachvorvańnia karanavirusnaj infiekcyjaj», — napisaŭ jon.
Jon raspavioŭ, što pa stanie na 5 kastryčnika ŭ dźviuch haradskich balnicach špitalizavana 1300 pacyjentaŭ ź pnieŭmanijami, ź jakich 49 čałaviek znachodziacca ŭ reanimacyi ŭ ciažkim stanie.
«Usie hetyja 49 pacyjentaŭ nie pryščeplenyja. Hety fakt pierakonvaje, što mienavita imunizacyja usich słajoŭ nasielnictva zastajecca najbolš efiektyŭnym sposabam baraćby z karanavirusam», - padkreśliŭ mer.
Pałova pacyjentaŭ infiekcyjnaj balnicy ŭ Hrodnie — u ciažkim stanie. Jak pieradaje miascovy telekanał «Hrodna. Plus», apošnija dva tydni ŭ miedykaŭ aŭrał.
«Naša kojka nie pustuje. Jana zapatrabavanaja. Na miesca vypisanych pacyjentaŭ viečaram budzie ŭžo Novy pacyjent. I my navat nie viedajem u jakim stanie, mahčyma jon budzie ŭ bolš ciažkim», — raspaviała hałoŭny doktar Natalla Małyška.
Adnak aficyjnaja statystyka nie pakazvaje značnaha rostu zachvorvańniaŭ. Z 15 vieraśnia pa 2 kastryčnika ŭ Biełarusi fiksavałasia bolš za 1900 vypadkaŭ karanavirusa štodnia. 2 kastryčnika byli rekordnyja 1998 vypadkaŭ. Adnak 3 kastryčnika Minzdaroŭja paviedamiŭ pra 1899 vypadkaŭ, a ŭčora pra 1872.
Hryp ci kavid? U hetym hodzie adroźnić niaprosta
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary