Minfin apublikavaŭ prajekt Padatkovaha kodeksa. Što ŭ im novaha?
Vierahodny varyjant Padatkovaha kodeksa hulaŭ pa siecivie daŭno. Ale siońnia Ministerstva finansaŭ apublikavała prajekt Padatkovaha kodeksa. Z novaha ŭ im — admiena sproščanaj sistemy padatkaabkładańnia dla IP, advakataŭ i nataryusaŭ, što pracujuć praź biuro. Taksama ŭ zakonaprajekcie idzie havorka pra admienu adzinaha padatku z 2023 hoda dla IP.
Akramia hetaha, novy kodeks uvodzić paniaćcie «prafiesijny dachod». Heta dachod, jaki čałaviek atrymlivaje, kali nie maje pracadaŭcy, nie najmaje ludziej pa pracoŭnych i inšych damovach. Siudy ŭvachodzić i dachod, što atrymlivajecca ad vykarystańnia majomaści.
Taksama kodeks praduhledžvaje pavyšeńnie padatku na dachody fizičnych asob. Ale ŭ tym vypadku, kali jany nie mohuć paćvierdzić ich krynicy. Padatak u takim vypadku płacicca z roźnicy pamiž dachodami i raschodami. I kali raniej jon składaŭ 16%, to ŭ novym kodeksie jaho chočuć pavysić da 20%.
U kodeksie taksama ŭkazana, što spačatku ŭłady chočuć pavysić zbor dla ŭładalnikaŭ ahrasiadzibaŭ. Spačatku da 31 rubla, a paśla ŭvohule admianić jaho.
U dadatak prapisana pavieličeńnie ziamielnaha padatku (pavyšeńnie składzie da 10%), padatku dla tych, chto zdaje žyllo, a taksama akcyzaŭ.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary