Za hibiel zvarščyka na kitajskim zavodzie ŭ Śvietłahorsku pakarali načalnika źmieny i apieratara
4 žniŭnia 2020 hoda ŭ Respublikanskim apiokavym centry pamior 29-hadovy Alaksiej Sasnoŭski. 30 lipienia jon atrymaŭ 90% apiokaŭ cieła: na novym zavodzie bielenaj celułozy ŭ Śvietłahorsku łopnuła truba. Dvaich rabočych abdało haračaj technałahičnaj vadkaściu. Druhi rabočy vyžyŭ.
Śledstva pryznała vinavatymi ŭ avaryi načalnika źmieny Kalinčanku i apieratara Ramanienku. 23 vieraśnia sud Śvietłahorskaha rajona pastanaviŭ pakarać Kalinčanku pazbaŭleńniem voli na 4 hady ŭ kałonii ahulnaha režymu, Ramanienku — «chimijaj» na 2 hady. Sud prachodziŭ u zakrytym režymie pa patrabavańni advakata adkazčyka.
«Pakarali načalnika źmieny i apieratara — heta samy nizki ŭzrovień adkaznych. Faktyčna heta «strełačniki». A ciapier heta trahiedyja dla troch siemjaŭ: i zahinułaha Sasnoŭskaha, i pakaranych pa sudzie načalnika źmieny i apieratara», — raspavioŭ BiełaPAN ekałahičny aktyvist Anatol Źmitrovič, jaki naziraŭ za sudom.
«Śvietłahorski CKK» abaviazali vypłacić na karyść mamy zahinułaha Alaksieja Sasnoŭskaha 50 tysiač rubloŭ i 30 tysiač rubloŭ jaho ŭdavie.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary