За гібель зваршчыка на кітайскім заводзе ў Светлагорску пакаралі начальніка змены і аператара
4 жніўня 2020 года ў Рэспубліканскім апёкавым цэнтры памёр 29-гадовы Аляксей Сасноўскі. 30 ліпеня ён атрымаў 90% апёкаў цела: на новым заводзе беленай цэлюлозы ў Светлагорску лопнула труба. Дваіх рабочых абдало гарачай тэхналагічнай вадкасцю. Другі рабочы выжыў.
Следства прызнала вінаватымі ў аварыі начальніка змены Калінчанку і аператара Раманенку. 23 верасня суд Светлагорскага раёна пастанавіў пакараць Калінчанку пазбаўленнем волі на 4 гады ў калоніі агульнага рэжыму, Раманенку — «хіміяй» на 2 гады. Суд праходзіў у закрытым рэжыме па патрабаванні адваката адказчыка.
«Пакаралі начальніка змены і аператара — гэта самы нізкі ўзровень адказных. Фактычна гэта «стрэлачнікі». А цяпер гэта трагедыя для трох сем'яў: і загінулага Сасноўскага, і пакараных па судзе начальніка змены і аператара», — распавёў БелаПАН экалагічны актывіст Анатоль Змітровіч, які назіраў за судом.
«Светлагорскі ЦКК» абавязалі выплаціць на карысць мамы загінулага Аляксея Сасноўскага 50 тысяч рублёў і 30 тысяч рублёў яго ўдаве.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі2
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары