МЗС Украіны: Беларусь робіцца саўдзельніцай расійскага ядзернага шантажу
Міністэрства замежных спраў Украіны рэзка раскрытыкавала сумесныя ядзерныя вучэнні Беларусі і Расіі, а таксама размяшчэнне расійскай тактычнай ядзернай зброі на беларускай тэрыторыі.
Украінскі бок лічыць, што такія дзеянні з’яўляюцца сур’ёзнай пагрозай для глабальнай бяспекі. Асабліва падкрэсліваецца, што адпрацоўка ядзерных удараў парушае асноўныя прынцыпы міжнародных дамоўленасцяў аб нераспаўсюджванні ядзернай зброі. Паводле гэтых правіл краіны, якія валодаюць ядзернай зброяй, не павінны перадаваць кантроль над ёй іншым дзяржавам, а тыя, хто яе не мае, не павінны яе прымаць.
Таксама заяўляецца, што такія дзеянні фактычна робяць Беларусь плацдармам для ядзернай прысутнасці Расіі каля межаў НАТА і ствараюць небяспечны прыклад для іншых краін.
«Мілітарызацыя Беларусі не толькі падрывае давер да міжнароднага права, але і канчаткова ператварае Мінск у саўдзельніка расійскага ядзернага шантажу», — падкрэслівае МЗС Украіны.
У заяве падкрэсліваецца, што міжнародная супольнасць павінна цвёрда адрэагаваць на сітуацыю. Сярод магчымых мер называюцца ўзмацненне санкцый супраць Расіі і Беларусі, павелічэнне падтрымкі Украіны, а таксама ўмацаванне прысутнасці краін-саюзніц на ўсходніх межах НАТА.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь15
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары