Praŭładny błohier pažaliŭsia, što ź im razvodzicca žonka-«bečebešnica»
Praŭładny błohier z Bresta Alaksiej Holikaŭ, u hości da jakoha prychodziŭ sam eks-ministr unutranych spraŭ Juryj Karajeŭ, jaki zdymaŭsia ŭ pieradačy kiraŭnika ANT Marata Markava, padzialiŭsia ŭ sacsietkach, što jaho žonka akazałasia «bečebešnicaj», nie pryniała jaho pazicyju i vyrašyła raźvieścisia.
U videa Holikaŭ kaža, što zastaŭsia biez usiaho: biez doma, biez mašyny, bieź dziaciej, — a na vulicu jaho vykinuła dziaržava, za jakuju jon vychodziŭ.
«Kali ŭ vas jašče ŭźniknie žadańnie vychodzić za dziaržavu, za Łukašenku ci za niešta nie asabistaje, nie svajo — padumajcie», — sa ślaźmi na vačach pramoviŭ błohier.
Alaksiej Holikaŭ — błohier, jaki niečakana ŭspłyŭ u miedyjaprastory ŭ 2020 hodzie. Jon bieraściejec, zarablaje na žyćcio zdačaj nieruchomaści ŭ arendu i tym, što hrymiruje niabožčykaŭ.
Holikaŭ aktyŭna vykazvaŭsia ŭ padtrymku ŭłady, paśla čaho «pajšoŭ na pavyšeńnie». Jon trapiŭ na intervju da Markava na ANT, sam rabiŭ hutarki z Karajevym, Vaskrasienskim, Mukavozčykam.
Ale apošnim časam Holikaŭ pačaŭ krytykavać dziejańni ŭłady: niehatyŭna vykazvaŭsia pra BRSM, zajaŭlaŭ, što «bčbšnikaŭ nie pieramahli», pratesnyja nastroi jašče tlejuć.
Čytajcie taksama: Rychtuje miortvych da pachavańnia i abjadnoŭvaje jabaciek-influjensieraŭ. Što viadoma pra błohiera Holikava?
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary