Sprava ŭ śpiecyjalnym hienie.
Uzory na šerści nakštałt plamaŭ leaparda ci pałos tyhra — heta adna z charaktarystyk, što adroźnivajuć pradstaŭnikoŭ siamiejstva kacinych ad inšych žyvioł. Ciapier vučonyja identyfikavali hien, adkazny za hetyja ŭzory.
Ekśpierty ź Instytuta bijatechnałohii ŭ amierykanskim Chantśvile praanalizavali ŭzory skury niežyćciazdolnych embryjonaŭ siamiejstva kacinych na roznych stadyjach raźvićcia. Kiraŭnik daśledavańnia Hrehary Barš žadaŭ zrazumieć, kali ŭ košak pačynajuć farmiravacca ŭzory na šerści — akazałasia, što heta adbyvajecca jašče padčas raźvićcia embryjona. Bolš za toje, paśla naradžeńnia kacianiaty — ad zvyčajnych košak da leapardaŭ — majuć toj ža ŭzor na skury, jaki zastaniecca ź imi na ŭsio žyćcio, piša Daily Mail.
Navukoŭcy taksama znajšli sihnalnuju malekułu, jakuju kadziruje hien Dkk4. Jany ličać, što mienavita hetaja malekuła adkaznaja za ŭzory na šerści žyvioł nakštałt leapardaŭ, tyhraŭ i hiepardaŭ. Malekuła pa-roznamu prajaŭlaje siabie padčas raźvićcia embryjona, što i vyklikaje roznyja typy ŭzoraŭ na šerści žyvioł.
Raniejšyja daśledavańni pakazali, što kalarovyja ŭzory na chatnich koškach źjaŭlajucca padčas rostu šerści, kali ŭ hrupach sumiežnych falikułaŭ vyrastajuć vałaski ź pihmientam roznych typaŭ. Adnak pakul niajasna, čamu ŭ falikułach časam vyrablajecca pihmient mienavita čornaha koleru, a časam — žoŭtaha.
Kamientary