Vaskrasienski skłaŭ druhi śpis na pamiłavańnie. Chto ŭ im i kali vyjduć na volu ludzi ź pieršaha śpisu?
Juryj Vaskrasienski skłaŭ druhi śpis na pamiłavańnie. U im 100 čałaviek, amal usie ź jakich napisali prašeńnie ab pamiłavańni.
Adziny, chto nie napisaŭ, — Andrej Pačobut.
«My dazvolili sabie ŭklučyć jaho ŭ śpis z-za pavahi da Polščy i brackaha polskaha naroda, a taksama pa chadajnictvie polskaj dziaržaŭnaj struktury», — tłumačyć Vaskrasienski.
Imiony tych, chto trapiŭ u śpis, jon nie nazyvaje. Kaža, nie choča pijarycca na niepaśpiachovych kiejsach.
Pa jaho słovach, dyrektar hoster.by Siarhiej Pavališaŭ, jaki vyjšaŭ ź SIZA, taksama pisaŭ prašeńnie ab pamiłavańni na imia Kruhłaha stała demakratyčnych siłaŭ. U dadatak da heta kalektyŭ kampanii (73 čałavieki) napisaŭ prašeńnie na imia Vaskrasienskaha i Alaksandra Łukašenki na dźviuch pierson.
«27 žniŭnia ja pieradaŭ heta prašeńnie prezidentu, 30-ha Pavališaŭ vyjšaŭ na volu», — dadaje palityk.
Adznačym, što kiraŭnik hoster.by praciahvaje być abvinavačanym va ŭchileńni ad spłaty padatkaŭ. Jamu źmianili mieru ŭtrymańnia, ale jon usio jašče fihurant kryminalnaj spravy.
Pieršy śpis na pamiłavańnie sa 100 čałaviek byŭ pieradadzieny Łukašenku 9 žniŭnia, paviedamiŭ Vaskrasienski.
«Vielmi mała z taho śpisu vyjšli, ale my spadziajemsia, kali biehłaja apazicyja nie sarvie hety praces, 17 vieraśnia sto čałaviek buduć na voli. Što tyčycca druhoha śpisu, to jon budzie razhledžany ŭ płanavym paradku.
Jak ja miarkuju, usio budzie zaležać ad taho, jak na voli buduć vieści siabie pieršyja sto čałaviek. Hetyja nijakija nie zakładniki, heta pryncyp kalektyŭnaj adkaznaści. Ja ručaŭsia za Saleja i kazaŭ, što jon nie budzie vieści antydziaržaŭnuju dziejnaść, a potym jon uciok i pačaŭ razdavać intervju, tamu vy razumiejecie, nakolki mnie ciažka ručacca za inšych ludziej», — kamientuje Vaskrasienski.
Čytajcie taksama:
«Dla Łukašenki Radzima — heta nie Biełaruś, a Saviecki Sajuz». Illa Salej daŭ pieršaje intervju paśla vyjezdu ź Biełarusi
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary