Minus zmorščyny i ćmiany koler? Raźbirajemsia, ci efiektyŭnyja modnyja masažory dla tvaru
Hadžety dla dohladu tvaru, zdajecca, nikoli nie vyjduć z mody. Apošnim času na piku papularnaści — skrabok Huaša i rolikavyja masažory. Vytvorcy abiacajuć, što jany zrobiać skuru pruhkaj i rumianaj, zdymuć ślady stomlenaści i padciahnuć kontury tvaru. Ale na što z hetaha realna raźličvać? Acanić hadžety paprasili fejśfitnes-trenierku Palinu Ščałko.
Skrabok Huaša
«Na jaho ŭskładajucca vialikija nadziei. Ličycca, što hetym masažoram ty saskrabaješ usiu drennuju enierhiju i napružańnie. Raskazvajuć pra lifcinhavy efiekt, palapšeńnia kryvazvarotu. Ale ŭ mianie skieptyčnaje staŭleńnie da jaho», — kaža fejśfitnes-trenierka.
Pieršaje, što ŭ jaje vyklikaje sumnieŭ, — materyjał. Tannyja skrabki časta robiacca nie z naturalnaha kamieniu, a sa štučnaha ci naohuł z płastmasy. Druhoje — technika praviadzieńnia pracedury.
«Ja nie sustrakała biaśpiečnaj mietodyki. Z taho, što ja bačyła, — heta ahresiŭnyja techniki, praźmierny cisk na tvar. Pry takim abychodžańni mała taho što vyniku nie budzie, možna sabie jašče i horš zrabić. Naprykład, paškodzić kapilary. Ja čuła niekalki historyj ad dziaŭčat, jakija paśla treninhaŭ syšli ź siniakami na tvary. Na žal, heta jašče i padajecca tak, nibyta jany ŭsio pravilna rabili. A našy žynčyny ž lubiać pamacniej, bol paciarpieć».
Tym, u kaho poŭny tvar z vyraznaj aciočnaściu, skrabkom lepš nie zachaplacca. Zamiest padciažki možna atrymać abvisłuju skuru.
«Ja b skrabok vitała dla masažu cieła, a nie tvaru», — raić Palina Ščałko.
Rolikavy kvarcavy masažor
Rolikavy masažor bolš prosty i biaśpiečny ŭ vykarystańni.
«U internecie možna znajści masažnyja linii i vadzić rolikam pa tvary ŭ patrebnych kirunkach. Ale biez praźmiernaha cisku. Heta moža dać lohki liftynhavy efiekt, dapamahčy źniać aciočnaść (asabliva kali papiarednie astudzić rolik u chaładzilniku)», — dzielicca Palina Ščałko.
Masažoram možna karystacca pavierch kremu, ale lepš vadzić pa suchim tvary. Bo kali budzie ślizhańnie, heta nie dazvolić prapracavać ciahlicy — tolki skuru. Jašče adzin varyjant prymianieńnia — nakłaści masku na tkanaj asnovie i prahładžvać tvar pavierch jaje.
Ale na cudy — kštałtu prybrać zmorščyny ci druhi padbarodak — rolik nie zdolny.
«Lubaja zmorščyna zakładajecca zadoŭha ŭ našym ciele. Kali my prosta hładzim tvar u spadzievie prybrać zmorščynu — heta zvyščakańnie. Tak, na žal, nie pracuje. Ale ŭ kompleksie z praktykavańniami na asanku, šyju, masažor dla tvaru budzie darečy».
Masažor z dvuma rolikami
Jon pracuje pa anałohii z rolikavym masažoram. Hałoŭnaje — dalikatna abychodzicca z tvaram: nie raściahvać skuru ŭ roznyja baki, nie zakładać załomaŭ.
Masaž rekamiendujuć pravodzić dvojčy na tydzień. I aceńvać efiekt: kali niešta biantežyć, varta spynicca i pierahledzieć svoj dohlad. Masažavać skuru štodzień nie treba — zamiest śviežaści možna atrymać zmorany vyhlad.
«Važny nie instrumient, a ŭmieńnie, — miarkuje ekśpiert. — Naprykład, cudoŭna možna spraŭlacca tolki kostačkami palcaŭ. Ci ŭziać čajnuju łyžku — heta budzie taki ž karysny hadžet dla tvaru: patrymać jaje ŭ chaładzilniku i zrabić lohki liftynh pa masažnych linijach. Abo ŭziać haračuju i chałodnuju łyžki i pravieści kantrasny masaž».
-
Novy trend — hrybnaja kava. Nakolki heta sapraŭdy funkcyjanalny napoj?
-
«U mianie zastaŭsia hołas, ale ja niečakana zabyła słovy»: Łarysa Hrybalova raspaviała pra svoj mini-insult
-
Žančyny ad pryrody nieprystasavanyja naradžać na śpinie, ale hety sposab rodaŭ staŭ standartnym, kab było zručna mužčynam
Kamientary