Žychara Płoščy Pieramien Łatypava bolš nie abvinavačvajuć u tym, što chacieŭ «atrucić siłavikoŭ»
Ściapan Łatypaŭ — adzin ź lidaraŭ Płoščy Pieramien. Jaho zatrymali za toje, što prasiŭ pradstavicca nieviadomych u maskach, jakija źniščali vyjavu dydžejaŭ.
Tahačasny ministr Karajeŭ raskazvaŭ, što Ściapan uvoziŭ u Biełaruś niebiaśpiečnyja chimikaty, jakimi chacieŭ atrucić milicyjantaŭ. Łatypava padazravali pa artykule 293 KK — «Masavyja biesparadki».
Zatrymanaha žychara «Płoščy pieramienaŭ» padazrajuć u namiery vykarystoŭvać atrutu suprać milicyi
Ale ciapier SK raskazaŭ, što ŭ vyniku inkryminujecca Łatypavu:
Pavodle źviestak viedamstva, Łatypaŭ arhanizoŭvaŭ praviadzieńnie sustreč udzielnikaŭ hrupy, sumiesnaje raspaŭsiudžvańnie ahitacyjnaj pradukcyi, naniasieńnie malunkaŭ i nadpisaŭ pratesnaha charaktaru na fasady budynkaŭ i zbudavańniaŭ.
Adznačajecca, što z udzielnikami čata mužčyna stvaryŭ majsterni pa vyrabie «pratesnaj simvoliki», u tym liku ściahoŭ. Paviedamlajecca, što jon infarmavaŭ «administrataraŭ radykalnych i ekstremisckich Telegram-kanałaŭ z dapamohaj čat-bota ab stvoranym im dvarovym abjadnańni i ahitavaŭ inšych asob da stvareńnia padobnaha na terytoryi inšych rajonaŭ Minska, što ŭ kančatkovym vyniku paciahnuła arhanizacyju takich».
Taksama SK paviedamlaje, što z krasavika 2019 hoda pa vierasień 2020 hoda Łatypaŭ pad vyhladam ažyćciaŭleńnia zakonnaj dziejnaści, šlacham padmanu i ŭviadzieńnia ŭ zman zavałodaŭ hrašovymi srodkami 16 jurydyčnych asob bolš čym na 123 tysiačy rubloŭ.
Kali koratka, to jon abiacaŭ vyvodzić barščeŭnik darahim rečyvam, a nasamreč vykarystoŭvaŭ tannaje.
Pra płany atrucić milicyjantaŭ niama ni słova.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary