Kampanija Iłana Maska pakazała rolik z małpaj, jakaja hulaje ŭ anłajn-pinh-ponh «siłaj dumki»
Startap Iłana Maska Neuralink, jaki śpiecyjalizujecca na raspracoŭcy sistem dla abmienu infarmacyjaj pamiž mozham i elektronnymi pryładami, pakazaŭ videa, u jakim małpa hulaje ŭ virtualny pinh-ponh «siłaj dumki».
Jak paviedamlaje The Verge, 9-hadovamu samcu makaki Pejdžaru impłantavali čyp za šeść tydniaŭ da taho, jak byŭ źniaty rolik. Papiarednie prymata navučyli hulać u videahulni z dapamohaj džojścika — u jakaści ŭznaharody žyvioła mahła atrymać bananavy smuzi. Praces navučańnia pejdžara pakazany ŭ pačatku Videa.
Pakul małpa asvojvała videahulni, pryłada Neuralink zapisvała infarmacyju pra toje, jakija niejrony aktyvavalisia ŭ pracesie. Dziakujučy hetamu jano navučałasia pradkazvać ruchi łap. Paśla vyvučeńnia paternaŭ džojścik adklučyli ad kamputara. Takim čynam, prymat praciahnuŭ hulać u virtualny pinh-ponh vykarystoŭvajučy tolki svoj rozum, ale jašče pa zvyčcy dakranajučysia da džojścika. Paźniej ekśpierymientatary prybrali manipulatar, a virtualny kursor praciahnuŭ ruchacca pa ekranie.
«Pieršy pradukt Neuralink dazvolić paralizavanamu čałavieku karystacca smartfonam u dumkach chutčej, čym vialikimi palcami», — napisaŭ Iłan Mask u tvitary.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary