Za zakliki ŭ telehram-čacie «Kiroŭcy 97%» Siarhieja Bryla asudzili da troch hadoŭ chimii
Sud Zavodskaha rajona Minska asudziŭ 26-hadovaha palitźniavolenaha ślesara z Barysava Siarhieja Bryla na try hady «chimii». Sudździa Hiennadź Jankoŭski pryznaŭ jaho vinavatym pa č. 1 art. 342 KK za zakliki ŭ telehram-čacie «Kiroŭcy 97%», a taksama za ŭdzieł u žnivieńskich akcyjach pratestu, paviedamlaje spring96.org.
Adrazu na Siarhieja ŭzbudzili kryminalnuju spravu pa č. 2 art. 293 Kryminalnaha kodeksa, ale potym spravu pierakvalifikavali na bolš miakki artykuł. Palitźniavolenaha ŭtrymlivali pad vartaj z 23 vieraśnia, a 17 sakavika paśla abviaščeńnia prysudu jaho vyzvalili ŭ zale suda. «Minsktrans» zajaviŭ pazoŭ na sumu 38 tysiač rubloŭ — na takuju sumu arhanizacyja acaniła škodu, jakuju Siarhiej pryčyniŭ svaimi dziejańniami padčas pratesnych akcyj.
Dziaržaabvinavačvańnie pa hetaj spravie padtrymlivała prakurorka Kačanava. Na sudzie vina palitźniavolenaha abhruntoŭvałasia skrynšotami pierapisak u telehram-čacie «Kiroŭcy 97%».
Taksama Siarhieja Bryla abvinavacili va ŭdziele ŭ mitynhach 9, 10, 16 žniŭnia. Fota- i videadokazaŭ fakta ŭdziełu ŭ masavych mierapryjemstvach niama, ale sam Siarhiej nie admaŭlaŭ na sudzie svoj udzieł u pratesnych akcyjach. «Minsktrans» zajaviŭ pazoŭ za prypynak ruchu transpartu ŭ ahulnaj sumie na 38 tysiač rubloŭ. Sudździa pastanaviŭ razhladać hety pazoŭ u hramadzianskim paradku.
Siarhieja Bryla zatrymali 23 vieraśnia ŭ Minsku na pracy na «Biełpramimpeks», dzie jon pracuje ślesaram. Supracoŭniki orhanaŭ sustreli jaho na prachadnoj i na padstavie taho, što jon źjaŭlajecca śviedkam pa spravie niejkaha ŭhonu aŭtamabila, pavieźli ŭ adździaleńnie. Siarhieja Bryla dapytali biez advakata. Paśla hetaha jaho zatrymali na 72 hadziny da «vyśviatleńnia abstavinaŭ». Na hetaj padstavie Siarhieja źmiaścili ŭ izalatar časovaha ŭtrymańnia na Akreścina, a potym pieraviali ŭ SIZA-1. Pa miescy jaho žycharstva byŭ praviedzieny pieratrus i kanfiskavanaja ŭsia technika.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary