Davydźka — pra list, dzie jon prapanuje vyzvalić Łukašenku ad pasady: «Maju poštu ŭzłamali»
U sieradu ranicaj niezaležnyja ŚMI atrymali na redakcyjnuju poštu list nibyta ad deputata i kiraŭnika «Biełaj Rusi» Hienadzia Davydźki, u jakim jon zaklikaje svaich kalehaŭ pa Pałacie pradstaŭnikoŭ razam daterminova vyzvalić Alaksandra Łukašenku ad pasady. U kamientary Tut.by Davydźka zajaviŭ, što jaho poštu ŭzłamali — i ad jaho imia rassyłajuć takija listy.
«Jak deputat i hramadzianin Respubliki Biełaruś ja nie mahu bolš spakojna hladzieć na toje, što adbyvajecca ŭ krainie. Ja baču, što žyćcio ŭ Respublicy Biełaruś, na moj hłyboki žal, paharšajecca. I jak by ja ni padtrymlivaŭ Alaksandra Ryhoraviča Łukašenku, ja vymušany pryznać: kraina ruchajecca nie tudy. My ŭsio bolš padviarhajemsia ŭpłyvu Zachadu, choć pavinny być z Rasijaj. Tamu ja zaklikaju svaich kaleh pa Pałacie pradstaŭnikoŭ razam daterminova vyzvalić Alaksandra Ryhoraviča Łukašenki ad pasady», — havorycca ŭ liście, jakija atrymali redakcyi.
Taksama ŭ im pakazvajecca, što Davydźkam užo inicyjavana stvareńnie śpiecyjalnaj kamisii, «jakaja «zrobić zaklučeńnie ab niazdolnaści Alaksandra Łukašenki ažyćciaŭlać abaviazki prezidenta».
«Taksama mnoju nakiravany list u Śledčy kamitet Respubliki Biełaruś i zapytanyja nieabchodnyja materyjały i źviestki», — napisana ŭ hetym liście — i prykładzieny skryn nibyta taho zvarotu.
— Chtości ŭzłamaŭ maju poštu i ad majho imia rassyłaje hetyja durnyja listy. Vam, vierahodna, heta padabajecca, bo palityka vašaha resursu nakiravana na źviaržeńnie dziaržaŭnaj ułady. Ale vam ja adkazvaju, jak jość nasamreč: naturalna, ja hetaha nie rabiŭ, — zajaviŭ Hienadź Davydźka ŭ razmovie z žurnalistam Tut.by.
U Pałacie pradstaŭnikoŭ skazali, što hety list — fejk, i ni pra jakuju kamisiju ŭ parłamiencie pytańnie nie staviłasia.
— Heta niejki absurd, heta fejk, naturalna. Nijakaj kamisii niama, — skazali ŭ pres-słužbie Pałaty pradstaŭnikoŭ.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary