Brytanskija navukoŭcy ŭpieršyniu pasprabujuć lačyć depresiju šamanskim psichadelikam
Brytanskija navukoŭcy ŭpieršyniu ŭ historyi prateścirujuć halucynahienny preparat DMT (dymietyłtryptamin) u jakaści patencyjnych lekaŭ suprać depresii. Hety preparat, jaki znajšoŭ šyrokaje prymianieńnie ŭ šamanskich rytuałach, ličycca adnym z samych mocnadziejnych psichadeličnych złučeńniaŭ.
Psichadelik — heta narkatyčnaje rečyva, jakoje źmianiaje čałaviečuju śviadomaść, upłyvaje na emacyjny stan i mnohija psichičnyja pracesy, ale nie vyklikaje zaležnaść. Daśledčyki spadziajucca, što psichadelik DMT dapamoža značnaj kolkaści ludziej, na jakich nie dziejničajuć zvyčajnyja antydepresanty, spravicca z depresijaj.
Navukoŭcy miarkujuć, što efiekt ad psichadeličnaj terapii moža być značna daŭžejšym, čym ad tradycyjnych mietadaŭ lačeńnia, paviedamlaje BBC.
Šmatlikija daśledavańni vyjavili biaśpieku i efiektyŭnaść psichadeličnych preparataŭ u lačeńni šerahu psichičnych zachvorvańniaŭ.
Psichadelik DMT taksama viadomy jak «malekuła duchu», bo preparat vyklikaje halucynacyi, jakija paraŭnoŭvajuć ź pieradśmiarotnymi adčuvańniami.
Kliničnyja vyprabavańni buduć pravodzić navukoŭcy ź Impierskaha kaledža Łondana.
Daśledčyki ličać, što psichadelik dapamoža pacyjentam pazbavicca ad niehatyŭnych dumak i tym samym nie tolki pasłabić simptomy depresii, ale i całkam źmianić ład myśleńnia. Dziakujučy hetamu mahčyma damahčysia doŭhaterminovaha efiektu.
Adnak heta hipoteza pakul nie paćvierdžanaja. Za ŭdzielnikami daśledavańnia buduć nazirać na praciahu šaści miesiacaŭ, kab vyjavić, jak doŭha zachavajecca efiekt psichadeličnaj terapii.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary