Rasija abvinavačvaje sacyjalnuju sietku ŭ parušeńni rasijskaha zakanadaŭstva. Twitter nie vydalaŭ zabaronieny kantent na praciahu apošnich hadoŭ pa zahadzie nahladnych orhanaŭ. Ciapier ułady pahražajuć sacsietcy vialikimi štrafami.
Fiederalnaje ahienctva suviazi paviedamiła, što amierykanskaja kampanija Twitter nie vydaliła 2862 paviedamleńni z 2017 hoda, źviazanyja, na dumku rasijskaha ahienctva, z narkotykami, parnahrafijaj i suicydam. Ahienctva zajaviła, što za hety čas dasłała sacsietcy 28 000 zapytaŭ na vydaleńnie hetaj infarmacyi.
Kali kampanija nie vydalić hety kantent u najbližejšy čas, to joj pahražaje štraf ad $100 000. U vypadku paŭtornaha pravaparušeńnia, štraf budzie składać adnu piatuju ad hadavoha dachodu kampanii, piša The Wall Street Journal.
Zamiežnyja sacsietki ŭ Rasii ŭ apošnija hady znachodziacca pad pilnaj uvahaj, a cisk na ich pavialičyŭsia jašče bolš paśla chvali pratestaŭ u padtrymku apazicyjnaha palityka Alaksieja Navalnaha.
Paśla studzieńskich demanstracyj u padtrymku palityka, Fiederalnaje ahienctva suviazi patrabavała vydalić z sacsietak usie paviedamleńni ab pratestach.
Letaś kampanija Twitter była aštrafavanaja rasijskimi ŭładami na $54 000 za admovu vykonvać patrabavańnie, kab sierviery płatformy, što zachoŭvajuć piersanalnyja źviestki rasijan, znachodzilisia ŭ Rasii.
U Twitter za apošni čas sutyknulisia z procidziejańniem i ŭ inšych krainach, u tym liku ŭ Turcyi, Jehipcie, Abjadnanych Arabskich Emiratach i na Kubie. U hetych krainach ułady prypyniali pracu sacsietki padčas pratestaŭ. Da taho ž, płatforma całkam zabłakavanaja ŭ takich krainach, jak Kitaj, Iran i Paŭnočnaja Kareja.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary