Samaja papularnaja ptuška ŭ biełarusaŭ − sałaviej, joj telefanujuć čaściej za inšych
U pieršy dzień viasny A1 paličyŭ, kolki razoŭ biełarusy patelefanavali ptuškam.
Nahadajem, što ŭ mai 2020 hoda ŭ 10 ptušak źjavilisia svaje ŭłasnyja telefonnyja numary. Akazałasia, što za 9 miesiacaŭ biełarusy patelefanavali ptuškam bolš za 180 tysiač razoŭ. Čaściej za ŭsio chacieli pačuć treli sałaŭja, radziej za ŭsio «razmaŭlali» z krapiŭnikam. Hetaj zimoj nie tolki na fota ŭ instahramie, ale i ŭ śpisie zvankoŭ biełarusaŭ adznačylisia čyrvonahrudyja hili.
Prajekt «Vyjdzi na suviaź z pryrodaj» kampanija A1 zapuściła sumiesna z hramadskaj arhanizacyjaj «Achova ptušak Baćkaŭščyny» i dobraachvotnickaj inicyjatyvaj «Kreaton». Biełaruś stała adzinaj krainaj u śviecie, dzie ŭ ptušak źjavilisia ŭłasnyja telefonnyja numary. Dla taho, kab pačuć hałasy dziesiaci samych raspaŭsiudžanych u Biełarusi ptušak, treba prosta nabrać numar telefona.
Usiaho z maja pa luty na numary biełaruskim ptuškam patelefanavali 183 285 razoŭ. Najbolšaj papularnaściu karystaŭsia sałaviej — jamu patelefanavali amal 37 tysiač razoŭ. Taksama biełarusaŭ cikaviła, jak «razmaŭlaje» šeraja kuhakaŭka — mabyć, nie ŭsie viedajuć, što heta za ptuška — 26 tysiač zvankoŭ, u trojcy lidaraŭ taksama čorny drozd — amal 20 tysiač zvankoŭ.
Hetaja ideja spadabałasia nie tolki biełarusam. Dziakujučy sacyjalnym sietkam navina raźniesłasia pa śviecie, u TikToku navat źjaviŭsia čelendž «patelefanuj svajoj ziaziuli». Za pieršyja miesiacy raboty numaroŭ biełaruskich ptušak zachacieli pačuć va Ukrainie, Rasii, Šviecyi, Złučanych Štatach i inšych krainach.
Numary pracujuć uvieś čas. I navat siońnia možna nabrać ulubionaj ptušcy, kab pačuć jaje hołas, naprykład hila — hetych ptušak ciapier asabliva časta zaŭvažajuć u haradach.
- +37544 500-66-10 Šeraja kuhakaŭka
- +37544 500-66-11 Čorny drozd
- +37544 500-66-12 Sałaviej
- +37544 500-66-13 Vialiki hołub
- +37544 500-66-14 Hil
- +37544 500-66-15 Siniaja sinica
- +37544 500-66-16 Čornahałovy ščyhieł
- +37544 500-66-17 Malinaŭka
- +37544 500-66-18 Bieraścianka
- +37544 500-66-19 Krapiŭnik
Zastavajciesia na suviazi z pryrodaj!
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj33
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary