Daśledčyki vyjavili anamalii ŭ ludziej, jakija chvareli na karanavirus bieśsimptomna. Heta ŭzdymaje pytańnie pra mahčymuju ryzyku ŭ dalejšym žyćci paśla pieraniesienaj infiekcyi.
Zhodna z apošnimi acenkami navukoŭcaŭ, ad čverci da treci vypadkaŭ zaražeńnia karanavirusam prachodziać bieśsimptomna. Šmatlikija daśledavańni vyjavili, što ŭ bieśsimptomnych pacyjentaŭ paźniej nazirajucca anamalii ŭ lohkich. Niekatoryja pracy pakazali, što ŭ spartoŭcaŭ naziralisia źmieny ŭ pracy serca paśla kavidu, u tym liku bieśsimptomnaha. A daśledavańnie, pryśviečanaje vyvučeńniu lohkich i bieśsimptomnych vypadkaŭ kavidu ŭ dziaciej, vyjaviła prykmiety mahčymaha paškodžańnia drobnych kryvianosnych sasudaŭ, paviedamlaje vydańnie The Wall Street Journal.
Pakul niezrazumieła, jakija mienavita nastupstvy dla zdaroŭja mohuć vyklikać hetyja efiekty. Mała virusaŭ vyvučalisia tak ža daskanała, jak karanavirus, tamu vierahodna, što inšyja infiekcyi viaduć da padobnych efiektaŭ, ale pry hetym nie vyklikajuć surjoznych prablem sa zdaroŭjem. U mnohich vypadkach paškodžańni źniknuć sami pa sabie, śćviardžajuć daktary. Tym nie mienš, na dumku śpiecyjalistaŭ, nieabchodna pravodzić dadatkovyja daśledavańni paśla pieraniesienaha kavidu, kab zahadzia vyjavić mahčymyja nastupstvy.
«Jość ryzyka ŭnutranych paškodžańniaŭ dla pacyjentaŭ, pra jakija jany nie viedajuć. Peŭnyja pracesy mohuć pavolna adbyvacca ŭ arhaniźmie, a paśla ŭ kančatkovym vyniku jany pryvodziać da chraničnych stanaŭ», — śćviardžaje Eryk Topal, zasnavalnik miedycynskaha daśledčaha centra Scripps Research Translational Institute u Ła-Cholja, štat Kalifornija.
Eryk Topal źjaŭlajecca suaŭtaram daśledavańnia, apublikavanaha ŭ studzieni ŭ časopisie Annals of Internal Medicine, dzie było padličana, što prynamsi treć chvorych na kavid pieranosiać infiekcyju bieśsimptomna. Vyniki byli zasnavanyja na ahladzie 61 daśledavańnia z udziełam 1,8 miljona čałaviek.
Zhodna ź niadaŭnimi daśledavańniami, 60% z 37 pacyjentaŭ ź bieśsimptomnaj karanavirusnaj infiekcyjaj pakazali prykmiety niaznačnaha zapaleńnia lohkich padčas kampjutarnaj tamahrafii, a ŭ niekatorych vyjavili simptom «matavaha škła» (simptom, jaki adlustroŭvaje patałahičnyja źmieny ŭ lohkich na ŭzroŭni alvieoł).
Eryk Topal śćviardžaje, što daśledavańnie stanu lohkich pacyjentaŭ paśla bieśsimptomnaha kavidu pakazała parušeńni, jakija redka sustrakajucca ŭ zdarovych ludziej, ale padobnyja da tych, što majuć pacyjenty ź simptomami.
Niekatoryja daktary śćviardžajuć, što takija paškodžańni lohkich projduć sami pa sabie, ale pakul niama daśledavańniaŭ, jakija b pakazali, ci nasamreč heta tak.
Prablemy z sercam — jašče adna nahoda dla niepakoju. U daśledavańni, apublikavanym u lipieni 2020 hoda ŭ časopisie JAMA, niamieckija navukoŭcy vyjavili, što 78 sa 100 pacyjentaŭ z kavidam mieli anamalnuju MRT serca praz dva miesiacy paśla chvaroby, a 60 mieli MRT, jakaja pakazvała zapaleńnie sardečnaj myšcy. U daśledavańni ŭdzielničali 19 bieśsimptomnych pacyjentaŭ, tamu niamieckija daśledčyki pryjšli da vysnovy, što paškodžańni serca nie zaležać ad stupieni ciažkaści zachvorvańnia.
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary