Jak budzie vyhladać elitny kvartał na miescy byłoha tralejbusnaha depo la płoščy Pieramohi FOTA
U miežach vulic Kisialova, Čyrvonaj, praśpiektaŭ Mašerava i Niezaležnaści va ŭsiu viadziecca budaŭnictva žyłoha kompleksu biznes-kłasa, paviedamlaje zabudoŭščyk — «A-100 Deviełapmient». Kampanija narešcie pakazała prajekt novaha kvartała ŭ centry Minska.
Kvartał sprajektavany maskoŭskim architektaram Siarhiejem Skuratavym i budzie składacca z manalitnych damoŭ na 554 kvatery. Maksimalnaja vyšynia budynkaŭ — 5-7 pavierchaŭ. Takoje rašeńnie pryniata, kab nie parušać panaramu praśpiekta.
U žyłym kompleksie pabudujuć padziemny parkinh ź miescami dla zaradki elektramabilaŭ. Dvary pry hetym buduć zakrytymi, a piešachodnaja vulica z kramami, restaranami i art-prastoraj adkrytaja dla ŭsich achvotnych. Źjavicca i svoj pryvatny dziciačy sad. Kvartał «prareža» pramienad sa štučnaj sažałkaj.
Pieršymi pabudujuć damy ŭ rajonie isnujučaha budynka na vulicy Kisialova, 4 — ich zdaduć ŭžo ŭ 2022 hodzie, tamu ŭžo startavali prodažy kvater i pientchausaŭ. Samyja kampaktnyja kvatery z adnoj spalniaj — ad 55 kv. m., a topavyja pientchausy zojmuć bolš za 200 «kvadrataŭ». Na pieršapačatkovym etapie košt kvadrata składaje ad $3,5 tysiačy ŭ ekvivalencie.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary