Aeraport Unukava, kudy 17 studzienia pavinien prylacieć ź Bierlina apazicyjanier Alaksiej Navalny, admoviŭ u mahčymaści zdymki hetaj padziei.
Aeraport Unukava, kudy 17 studzienia pavinien prylacieć ź Bierlina apazicyjanier Alaksiej Navalny, admoviŭ u mahčymaści zdymki hetaj padziei. Adkaz pres-słužby Unukava apublikavała vydańnie Sota Vision, piša meduza.io.
Aeraport patłumačyŭ admovu antykaranavirusnymi mierami.
U metach niedapuščeńnia raspaŭsiudžvańnia karanavirusnaj infiekcyi, a taksama biaśpieki prybyvańnia pasažyraŭ i haściej mižnarodnaha aeraporta Unukava masavyja mierapryjemstvy, u tym liku arhanizacyja dziejnaści srodkaŭ masavaj infarmacyi na terytoryi aeravakzalnaha kompleksu časova nie pravodziacca, havorycca ŭ paviedamleńni.
Pry hetym pres-słužba Unukava zapeŭniła, što videa pasažyraŭ rejsa ź Bierlina «budzie pradastaŭlena».
Alaksiej Navalny anansavaŭ viartańnie ŭ Maskvu ź Bierlina na 17 studzienia, niahledziačy na toje, što ŭ Rasii jamu pahražaje turma. Fiederalnaja słužba vykanańnia pakarańniaŭ zaklikała pieravieści ŭmoŭny termin u realny pa spravie «Iŭ Raše».
Paśla taho, jak Navalny zajaviŭ pra viartańnie, stała viadoma, što jon abvieščany ŭ fiederalny vyšuk, h.zn. pa prylocie jon moža być adrazu zatrymany. Niahledziačy na heta, palityk nie pamianiaŭ svajho namieru.
Kamientary