Sud u Łondanie admoviŭsia vydavać Asanža ZŠA, bo toj moža ździejśnić samahubstva
Sud u Łondanie admoviŭsia ekstradavać u ZŠA zasnavalnika WikiLeaks Džulijana Asanža. Niahledziačy na toje, što sud narešcie zaviaršyŭsia, heta rašeńnie naŭrad ci budzie kančatkovym — pieršapačatkova było zrazumieła, što jaki b bok ni vyjhraŭ praces, inšy padaść apielacyju, piša Bi-bi-si.
Asnoŭnaja pryčyna, pa jakoj sud pryniaŭ takoje rašeńnie, — heta stan psichičnaha zdaroŭja Asanža. Łondanski sudździa pryjšoŭ da vysnovy, što ryzyka samahubstva zanadta vialikaja. I znachodžańnie ŭ amierykanskaj turmie ciapier, kali pradstaŭniki raźviedki staviacca da jaho varoža, moža pahoršyć hety stan.
Heta rašeńnie nie aznačaje, što vina Asanža nie dakazanaja. U abaviazki łondanskaha suda nie ŭvachodziła hetaje pytańnie: kali ekstradycyja ŭsio ž taki adbudziecca, ci vinavaty Asanž, ci nie ŭ inkryminavanych jamu złačynstvach, budzie vyrašać sud u ZŠA.
Dla advakataŭ, jakija pradstaŭlajuć amierykanskija intaresy ŭ Łondanie, dastatkova było, kab u sudździ ŭźnikli «abhruntavanyja padazreńni» ŭ tym, što zasnavalnik WikiLeaks sapraŭdy moh učynić złačynstvy, u jakich jaho abvinavačvajuć.
Nahadajem, što Džulijanu Asanžu pahražała vydača ŭ Šviecyju pa abvinavačvańni ŭ seksualnych damahańniach, i ŭ lutym 2011-ha jon schavaŭsia ŭ pasolstvie Ekvadora. U krasaviku 2019 hoda pasolstva Ekvadora pazbaviła jaho niedatykalnaści, i Asanž byŭ aryštavany.
Ciapier čytajuć
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć36
Kamientary