U Žłobinie 27 listapada byŭ zatrymany i źmieščany pad vartu siabra Biełaruskaha niezaležnaha prafsajuza ślesar-ramontnik BMZ Ihar Povaraŭ, pieradaje «Viasna».
Zatrymańnie adbyłosia pa padazreńni ŭ ździajśnieńni kryminalnaha złačynstva — arhanizacyi zabastoŭki na Biełaruskim mietałurhičnym zavodzie.
Pravaabaroncy paviedamlajuć, što kryminałka pahražaje jašče jak minimum traim pracaŭnikam BMZ.
«U pastanovie ab raspačynańni kryminalnaj spravy paviedamlajecca, što Jaŭhien Homan, Pavieł Mahidaŭ, Alaksandr Babroŭ, Ihar Povaraŭ razam ź inšymi niavyjaŭlenymi asobami 17 žniŭnia na terytoryi BMZ «arhanizavali praviadzieńnie niezakonnych hrupavych dziejańniaŭ, jakija hruba parušajuć hramadski paradak i spałučajucca ź vidavočnym niepadparadkavańniem zakonnym patrabavańniam pradstaŭnikoŭ ułady».
Jany spynili ruch technałahičnaha transpartu, jaki ažyćciaŭlaje dastaŭku syraviny (mietałašychty) u stalepłavilnyja cechi, što pryviało da parušeńnia pracy BMZ, jakoje vyjaviłasia ŭ prypynieńni vypłaŭleńnia stali na duhavych elektrapłavilnych piečach. U vyniku pradpryjemstvu naniesieny ŭron na sumu 1088 rubloŭ 29 kapiejek.
Śledčy Aziaŭčykaŭ pastanaviŭ raspačać u dačynieńni da hetych rabotnikaŭ BMZ kryminalnuju spravu pa fakcie ździajśnieńnia sumiesna ź inšymi asobami złačynstva, praduhledžanaha č. 1 art. 342 KK RB «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich».
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary