Zaviali kryminalnuju spravu na baćku i syna, jakija schavalisia ŭ šviedskim pasolstvie
Vital i Uładzisłaŭ Kuźniečyki ź Viciebska, jakija amal dva miesiacy žyvuć na terytoryi pasolstva Šviecyi ŭ Minsku, akazalisia abvinavačanymi pa kryminalnaj spravie. Jany prachodziać pa art. 364 KK (Hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ). Pryčym abvinavačanymi jany stali jašče 15 vieraśnia, a ich advakatu heta ŭdałosia daviedacca 2 listapada z dapamohaj miascovaha jurysta, piša Tut.by.
Juryst sa Šviejcaryi Vadzim Drazdoŭ, jaki dapamahaje viciablanam, paviedamiŭ, što, jak akazałasia, 9 vieraśnia, na treci dzień paśla niadzielnaj akcyi pratestu, Viciebski haradski adździeł SK raspačaŭ kryminalnuju spravu pa art. 364 KK. 15 vieraśnia padazravanymi pa joj stali Uładzisłaŭ i Vital Kuźniečyki, i ŭ hety ž dzień vynieśli pastanovu ab pryciahnieńni ich u jakaści abvinavačanych.
Pry hetym jašče 11 vieraśnia Kuźniečyki prybyli da ambasady Šviecyi ŭ Minsku, kab paprasić palityčnaha prytułku. Kali dźviery im nie adčynili, spasłaŭšysia na toje, što ŭ ambasadzie nie dajuć palityčnaha prytułku, baćka i syn pieraskočyli cieraz płot. Z taho momantu mužčyny znachodziacca na terytoryi dyppradstaŭnictva ŭ čakańni vyrašeńnia ich situacyi.
Cikava, što 15 vieraśnia, kali ŭžo, pa sutnaści, Kuźniečyki stali abvinavačanymi pa kryminalnaj spravie, paviedamlałasia, što ŭ dačynieńni da Vitala i Uładzisłava Kuźniečykaŭ idzie pravierka pa fakcie napadzieńnia na supracoŭnikaŭ milicyi. Raniej Vital i Uładzisłaŭ raspaviadali, što 6 vieraśnia ŭ Viciebsku ŭdzielničali ŭ akcyi pratestu, udzielnikaŭ jakoj žorstka zatrymlivali supracoŭniki pravaachoŭnych orhanaŭ. Kuźniečykam udałosia paźbiehnuć zatrymańnia, ale z tych časoŭ jany chavalisia.
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary