Były žurnalist prezidenckaha puła Dźmitryj Siemčanka raspavioŭ karespandentu «Našaj Nivy», što apošnimi dniami ludzi masava pišuć jamu niehatyŭnyja kamienty i paviedamleńni.
Pryčyna — jaho pierabłytali ź inšym Dźmitryjem Siemčankam, stvaralnikam budučaj prarasijskaj partyi «Sajuz».
Nahadajem, što nieŭzabavie čakajecca źjaŭleńnie partyi, jakaja budzie aktyŭna vystupać za biełaruska-rasijskuju intehracyju. Nazyvacca partyja budzie «Sajuz», jaje zasnavalnik — sumnaviadomy Siarhiej Łušč. U prezidyumie arhkamitetu jašče šerah imionaŭ, siarod jakich zhadvajecca «Dźmitryj Siemčanka».
Mnohija padumali, što hety Siemčanka — mienavita były žurnalist dziaržaŭnaha telebačańnia. Ale ž heta nie tak. Paplečnik z partyi Łušča — prosta poŭny ciozka reparciora.
Žurnalist narakaje, što jamu treci dzień abryvajuć telefon siabry i navat svajaki z pytańniem: «Dzima, niaŭžo ty ŭstupiŭ u niejkuju prarasijskuju partyju?»
«Maŭlaŭ, navat na fatahrafii jość čałaviek, padobny da mianie. Ja ŭžo stamiŭsia adkazvać, što nikudy nie ŭstupaŭ. Ja nie viedaju, chto hety Dźmitryj Siemčanka. Mahčyma, absalutna nieviadomy mnie ciozka. Ja nikoli nie znachodziŭsia ni ŭ jakoj partyi, nikoli nie byŭ u BRSM i navat u praŭładny Sajuz žurnalistaŭ nie ŭvachodziŭ.
I kali raptam apynusia ŭ jakoj-niebudź partyi, heta budzie dakładna partyja patryjotaŭ Biełarusi!
— tłumačyć były žurnalist. — Ja ŭžo napisaŭ pra heta ŭ sacsietkach, ale achop tam u mianie nievialiki, tamu mnohija praciahvajuć dumać, što ja niejak z hetym źviazany. Mianie łajuć na forumach. U kamientarach z hetaj navinoj. Pišuć: voś heta Dźmitryj Siemčanka «hieroj» — pradaŭ svaju krainu hieraična. Dyk voś nie pradavaŭ ja Biełaruś i inšym pradać nie dam».
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary