Kiraŭnik Biełaruskaj pravasłaŭnaj carkvy mitrapalit Vienijamin (Tupieka) padčas słužby ŭ Śviata-Pakroŭskim sabory ŭ Hrodnie rekamiendavaŭ śviataram nie vykonvać u cerkvach śpieŭ «Mahutny Boža».
Vienijamin kaža, hety śpieŭ śvieckaha charaktaru, i jon padzialaje hramadstva. «U nas dastatkova šmat śpievaŭ, jakija nie padzialajuć, a a abjadnoŭvajuć hramadstva», — zaznačaje jon.
«Naša Niva» źviarnułasia da pres-sakratara BPC ajca Siarhieja Lepina, kab jon patłumačyŭ pazicyju carkvy pa dadzienym pytańni.
«Ja mieŭ nievialikuju hutarku ź mitrapalitam na hetuju temu, — kaža Lepin. — Heta była razmova na kankretnym prychodzie, patryjaršy ekzarch nie staviŭ na mecie ahučyć niejkuju prahramnuju zajavu na ŭsiu krainu. Havorka nie išła pra kateharyčnuju zabaronu vykonvać «Mahutny Boža». Zaŭvahi ŭładyki tyčylisia najpierš vykanańnia hetaha himnu ŭ bohasłužebnym kantekście.
Vienijamin źviarnuŭ uvahu, što časam nastajacieli pry vybary repiertuaru dadatkovych piesnapieńniaŭ, nie ŭličvajuć mierkavańniaŭ usioj svajoj pastvy.
Niekatoryja prychadžanie bačać u himnie «Mahutny Boža» niehatyŭnyja palityčnyja kanatacyi. Sprava ŭ tym, što jon byŭ napisany ŭ 1943 hodzie Natallaj Arsieńnievaj, žonkaj Franciška Kušala, kiraŭnika Biełaruskaj krajovaj abarony.
Nie žadajučy ŭstupać u praciahłyja sprečki adnosna muzyki, tekstu, abstavin ich uźniknieńnia, kiraŭnik BPC akcentavaŭ uvahu na tym, što nie varta vykonvać «Mahutny Boža» ŭ miežach nabažestvaŭ i na prychodach dziela miru carkoŭnych supołak.
Tut toj samy pryncyp, kali apostał Pavieł admoviŭsia ad spažyvańnia miasa, kab nie spakušać svajho brata, chacia jon sam nie bačyŭ u hetym ničoha drennaha (1-je pasłańnie da Karynfianaŭ).
Jepiskapy adkaznyja ŭ miežach svaich jeparchij za mir, a ekzarch — u miežach usioj BPC. Usie śviatary pavinny pamiatać pra słovy Hospada: «Pa tym paznajecie, što vy ŭsie maje vučni, kali budziecie mieć luboŭ adzin da adnaho» (Jevanhielle ad Iaana)».
Vierš «Mahutny Boža» napisała ŭ 1943-m Natalla Arsieńnieva. Pakłaŭ na muzyku Mikoła Ravienski. Apošnim časam «Mahutny Boža» nabyŭ papularnaść na akcyjach pratestu.
Mahutny Boža! Uładar suśvietaŭ,
Bialikich soncaŭ i serc małych!
Nad Biełarusiaj, cichaj i vietłaj,
Rassyp pramieńni svaje chvały.
Daj spor u pracy štodzionnaj, šeraj,
Na łustu chleba, na rodny kraj,
Pavahu, siłu i vielič viery,
U našu praŭdu, u pryšłaść — daj!
Daj uradlivaść žytniovym nivam,
Učynkam našym pašli ŭmałot!
Zrabi svabodnaj, zrabi ščaślivaj
Krainu našu i naš narod!
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty24
Kamientary