Litva pryniała rašeńnie ab adklikanni svajho ambasadara ŭ Biełarusi dla kansultacyj.
Vilnius prymie «adekvatnyja lustranyja miery», kali Minsk pa-raniejšamu budzie nastojvać na skaračeńni dyppiersanału bałtyjskaj respubliki.
«Našaj metaj źjaŭlajecca maksimalnaje zachavańnie dypłamatyčnych kantaktaŭ. Pra heta my apaviaścili i biełaruski bok, ź jakim damovilisia, što časovaje adklikańnie ambasadara dla kansultacyj pasłužyć pamianšeńniu napružanaści i budzie spryjać zachavańniu dypłamatyčnaha pradstaŭnictva na ŭzroŭni ambasadaraŭ», — adznačyŭ u paviedamleńni kiraŭnik litoŭskaha źniešniepalityčnaha viedamstva Linas Linkiavičus.
Pavodle jaho słoŭ, rašeńnie ab adklikanni ambasadara pryniata paśla abmierkavańnia hetaha pytańnia z Varšavaj.
Niadaŭna pres-sakratar MZS Biełarusi Anatol Hłaz paviedamiŭ, što Minsk adklikaje dla kansultacyj svaich pasłoŭ u Polščy i Litvie. Heta ž prapanavana zrabić Varšavie i Vilni.
Kamientary