Videa salistki NaviBand Ksienii Žuk, na jakim jana a kapeła vykonvaje pieśniu «Mahutny Boža», atrymaje praciah — mahčyma, hurt zapiša pieśniu całkam.
«Ja b vielmi chacieła heta zrabić: «Mahutny Boža» — adna z maich ulubionych piesień pra Biełaruś, ja pamiataju jaje jašče ź dziacinstva, jana byccam upisana ŭ moj hienietyčny kod. Kali balić, zaŭsiody jaje ŭspaminaju, a ciapier, kaniešnie, balić», — kaža śpiavačka.
Pavodle Ksienii, tradycyja śpiavać u chramach źjaviłasia ŭ hurcie padčas karanavirusa, kali jany z Arciomam Łukjanienkam šmat vandravali pa Biełarusi i adnojčy, kali ŭ adnym z kaściołaŭ nikoha nie było, vyrašyli ŭ im niešta vykanać. Takim čynam źjaviŭsia i zapis u varšaŭskim sabory.
«Dumaju, usie zrazumieli, pra što ja zaśpiavała. «Mahutny Boža» — himn siońniašniaj Biełarusi. Toje, što siońnia adbyvajecca, — ciažka i baluča, i hetaj pieśniaj my razam z usimi molimsia za našu krainu».
Hurt NaviBand atrymaŭ šmat vodhukaŭ na videazapis: «Toje, što nas padtrymali, vielmi pryjemna, — ciapier budziem štości prydumlać, ale kali ŭrešcie my zapišam pieśniu całkam, heta budzie impravizacyja».
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro5
Kamientary