Deputatki Pałaty pradstaŭnikoŭ Maryja Vasilevič i Iryna Łukanskaja (u minułym hałoŭny ŭrač dziciačaj palikliniki ŭ Hrodnie) 20 žniŭnia naviedali ŭ Balnicy chutkaj dapamohi ludziej, jakija paciarpieli padčas vuličnych akcyj pratestu. Mnohija ź ludziej byli źbityja, inšyja, jak karespandentka «NN» Natalla Łubnieŭskaja, paranienyja humavymi kulami ci śviatłošumavymi hranatami.
«Naša Niva» paprasiła Maryju Vasilevič padzialicca ŭražańniami ad taho, što jana ŭbačyła ŭ balnicy.
«My chacieli parazmaŭlać ź ludźmi, što paciarpieli padčas vuličnych akcyj. Pahladzieć, jakija traŭmy ŭ ich, jakaja patrebnaja dapamoha. Parazmaŭlać ź miedycynskim piersanałam.
Vialiki dziakuj vałancioram, jakija pakazvajuć vydatnuju zhurtavanaść. Hałoŭny ŭrač u razmovie zapeŭniŭ, što ŭsiaho chapaje, tamu takuju aktyŭnaść možna navat krychu strymlivać, u pieršyja dni rabotniki balnicy navat nie paśpiavali prymać usio, što prynosiać ludzi.
Ja chacieła daviedacca, u jakich umovach paciarpiełyja atrymali traŭmy, jak pavodzili siabie pradstaŭniki siłavych strukturaŭ, pačuć heta ź pieršych vusnaŭ, a nie z kamientaroŭ adnaho ci inšaha boku. Ja čytała, što niekatoryja paciarpiełyja sutykajucca z prablemami pryniaćcia zajavaŭ na dziejańni siłavikoŭ, źniaćcia pabojaŭ, praviadzieńnia sudovaj ekśpiertyzy.
Usim, z kim ja stasavałasia, pakinuła svoj numar telefona, i kali ludzi sutyknucca z takimi prablemami, to ja z radaściu im dapamahu.
Ciažka ŭśviadomić, što ŭ našaj krainie ludzi atrymlivajuć takija kalectvy na vulicy ŭ mirny čas. Ale my pavinny heta pryznać i pavinny zrabić usio, kab hetaha bolš nikoli nie paŭtaryłasia. Toje, što ja ŭbačyła, biezumoŭna, mocna ŭražvaje.
Ja jak pradstaŭnik dziaržaŭnaj ułady — choć, moža, i nie maju na toje paŭnamoctvaŭ — prynosiła prabačeńni ludziam za atrymanyja imi traŭmy. Nie viedaju, maju ja na toje prava ci nie, ale pa-čałaviečy mnie vielmi-vielmi škada», — skazała Maryja Vasilevič.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju7
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7474
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie74
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1818
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch18
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary